Izraeli thotë se ka kryer më shumë se 22,000 sulme në Gaza që nga fillimi i luftës së fundit më 7 tetor

Forcat e Mbrojtjes të Izraelit thonë se kanë kryer mbi 22,000 sulme në Gaza që nga shpërthimi i luftës kundër Hamasit më 7 tetor.

Siç shkruan Sky News, përcjell Telegrafi, enklava ka qenë nën bombardime pothuajse të vazhdueshme, me Izraelin që pretendon se ka goditur vetëm objektiva ushtarake.

IDF tha se 3,500 nga ato 22,000 sulme janë kryer që kur marrëveshja njëjavore e armëpushimit u ndërpre në fillim të muajit.

Lexo po ashtu Pamje që thuhet se tregojnë ushtarët izraelitë duke i vënë zjarrin furnizimeve të ndihmës humanitare në Gaza

Sulmet kanë shkaktuar dëme të mëdha në infrastrukturë në të gjithë enklavën, duke detyruar rreth 1.9 milionë njerëz të largohen nga shtëpitë e tyre, sipas agjencive të OKB-së.

Ndërkohë Ministria e Shëndetësisë e Gazës e udhëhequr nga Hamasi pretendon se rreth 18,000 palestinezë janë vrarë që nga shpërthimi i luftës Izrael-Hamas pas sulmeve të 7 tetorit.

Kjo është më shumë nga 17,700 që raportoi dje, pasi regjistroi 297 vdekje dhe më shumë se 550 të plagosur në 24 orët e fundit.

Lexo po ashtu Ministri i Jashtëm i Jordanisë thotë se po synohet dëbimi i palestinezëve nga Gaza - vjen përgjigja e Izraelit

Ministria tha se gjithsej 49,500 ishin plagosur që nga fillimi i luftës, pas vazhdimit të sulmeve ajrore izraelite dhe operacioneve tokësore të Forcave të Mbrojtjes të Izraelit brenda enklavës.

Numrat nuk janë verifikuar në mënyrë të pavarur dhe zyrtarët izraelitë kanë thënë vazhdimisht se besojnë se kjo shifër është shumë më e ulët, duke pretenduar se Hamasi “po i fryn ato”. /Telegrafi/