Tre të vdekur dhe të tjerë të lënduar – moti i ftohtë shkakton probleme në udhëtimet tokësore, hekurudhore dhe ajrore në Gjermani

“Shtresat e akullit” dhe moti i ftohtë që goditi Gjermaninë u fajësuan për aksidentet e trafikut që lanë tre të vdekur të martën, ndërsa Aeroporti i Mynihut pezulloi përkohësisht fluturimet.

Sipas mediave të huaja, përcjell Telegrafi, një nxënës humbi jetën në një aksident me një autobus shkolle në malet Erzgebirge në shtetin lindor gjerman të Saksonisë, tha policia.

Të paktën 10 nxënës të tjerë të shkollës u dërguan në spital. Dy të rritur, përfshirë shoferin e autobusit, kanë mbetur të lënduar rëndë.

Munich is sinking in snow❗️
… there was almost 40 cm of snow! ❄️❄️ pic.twitter.com/Pt6KcKrcws

— Thai Nguyen 🇩🇪🇻🇳 (@Haru0neday0313) December 5, 2023

Autobusi rrëshqiti në anën e një automjeti të mirëmbajtjes së rrugëve dimërore në qarkun Sehmatal pranë kufirit çek, njoftoi agjencia gjermane e lajmeve dpa.

Më pas ai u përplas në një pemë dhe përplasja ishte aq e fortë sa shkatërroi plotësisht pjesën e përparme të mjetit.

Ndërkohë në Mynih, të gjitha fluturimet ose u anuluan ose u shtynë midis orës 6 të mëngjesit dhe mesditës, me aeroportin që paralajmëroi se shumë fluturime të planifikuara për më vonë gjatë ditës mund të ndikohen gjithashtu nga kushtet e rënda të motit.

Aeroporti, i dyti më i madhi i Gjermanisë, njoftoi mbylljen e përkohshme të hënën në mbrëmje si rezultat i parashikimeve të motit për të martën.

Sipas raportimeve, dy persona të tjerë humbën jetën në një përplasje mes një makine dhe një traktor-rimorkio në autostradën A8 në Bavarinë e Epërme.

Munich is sinking in snow❗️
… there was almost 40 cm of snow! ❄️❄️ pic.twitter.com/Pt6KcKrcws

— Thai Nguyen 🇩🇪🇻🇳 (@Haru0neday0313) December 5, 2023

Sipas policisë, makina e tyre rrëshqiti nën pjesën e pasme të një kamioni, i cili kishte ndaluar përgjatë autostradës gjatë natës nga e hëna në të martë për shkak të shtresës së ngrirë në sipërfaqen e autostradës, raportoi dpa.

Munich

Veç kësaj, A99 pranë Mynihut u mbyll në të dy drejtimet pasi 13 automjete u përfshinë në një aksident masiv, raportoi dpa. Nuk ka të dhëna të menjëhershme për lëndime të mundshme.

Gjithashtu, edhe operatori i trenave Deutsche Bahn tha se trafiku në rajonin e Mynihut do të preket për disa ditë.

Gjermania jugore si dhe Austria dhe Zvicra fqinje kanë përjetuar reshje të dendura bore, të cilat kanë prekur transportin publik në të gjithë rajonin dhe kanë shkaktuar alarmin për ortekë të mundshëm. /Telegrafi/