“Këtë e mësova nga maestro”, Brahim Diaz përqafon Modricin pasi shënoi gol të bukur në stërvitje

Tifozët e Real Madridit janë të kënaqur me atmosferën në zhveshtore mes lojtarëve dhe një nga faktorët kryesorë në këtë histori është kroati Luka Modric.

Kapiteni kroat ndikon veçanërisht te lojtarët e rinj si Arda Guler dhe Rodrygo Goes, por tani edhe 24-vjeçari Brahim Diaz ka treguar se çfarë mendon për të.

Gjegjësisht, Diaz shënoi një gol të bukur në një nga seancat e fundit stërvitore të Realit, pas të cilit vrapoi për të përqafuar Modric.

“Këtë e kam mësuar nga maestro, vëlla, maestro!”, ka thënë me buzëqeshje sulmuesi i Los Blancos

☑️ Agreed!
a) It's a GOLAZO
b) @lukamodric10 is a MAESTRO. pic.twitter.com/mI8eqQCnKq

— Real Madrid C.F. 🇬🇧🇺🇸 (@realmadriden) November 10, 2023

Diaz u rikthye këtë sezon pas huazimit trevjeçar në Milano dhe që nga rikthimi i tij ai është paraqitur dhjetë herë për Realin në të gjitha garat.

Ai shënoi dy gola dhe luajti 193 minuta, kryesisht nga stoli.

Një situatë e ngjashme për sa i përket minutave është edhe me Modricin, i cili nuk është më standard nën drejtimin e Carlo Ancelottit. Ai luajti 617 minuta. /Telegrafi/