“Është një motiv shumë i madh”, Ylber Ramadani zbulon bisedimet me Interin

Mesfushori shqiptar i Lecces, Ylber Ramadani konfirmoi se ai ka zhvilluar bisedime me drejtorin sportiv të Interit, Piero Ausilio dhe diskutoi ‘motivimin e tij të madh’ për t’iu bashkuar klubit zikaltër.

27-vjeçari mbërriti në Serie A këtë verë nga Aberdeen në një marrëveshje me vlerë vetëm 1.2 milionë euro. Ai nënshkroi një kontratë trevjeçare me një opsion për të katërtin.

Ramadani ka bërë përshtypje në muajt e parë të jetës së tij në Itali, duke parë mbi 1100 minuta veprim në 13 ndeshje në Serie A dhe Coppa Italia. Në këtë kohë, ai ka dëshmuar aftësitë e tij si një mesfushor i fortë mbrojtës.

Lexo po ashtu Paratë e shpenzuara mirë: 12 nga marrëveshjet më të mira të transferimeve këtë verë – Ramadani dhe Messi në listë

Duke folur për “Analiza Kuqezi”, Ramadani ka diskutuar fillimisht një bisedë që ka pasur së fundmi me drejtorin e Interit, Ausilio.

“Ai ishte në Tiranë, takova Ausilion dhe qëndruam gjatë duke biseduar. Për mua është një motiv shumë i madh, nuk mund të ndaloj së punuari për të shkuar te Interi”, ka thënë fillimisht Ramadani.

Mesfushori shqiptar 27-vjeçar foli më pas për idenë për të luajtur me bashkatdhetarin e tij, Kristjan Asllani, te Nerazzurrët.

“Unë përshtatem shumë shpejt. Asllani është më teknik se unë, por unë bëj gjëra të tjera. Mund të luaj me një ose dy mesfushorë qendrorë, nuk ka problem”.

Së fundi, Ramadani ka bërë një premtim për rivalët e Interit, Milanin.

“Nëse shënoj një gol kundër Milanit, do të kthehem për të bërë një intervistë me fanellë”, përfundoi mesfushori nga Kosova.

Interi është në kërkim të Scudettos këtë sezon dhe mund të kërkojë të forcojë mesfushën e tyre në afatin kalimtar të janarit me një opsion me kosto të ulët. /Telegrafi/