Football Manager parashikon dhjetë fituesit e ardhshëm të Topit të Artë nga viti 2024 deri në 2033

Lionel Messi fitoi Topin e tij të tetë të Artë në 2023, por sipas Football Manager 2024, kjo është hera e fundit që legjenda argjentinase do të përfundojë ndonjëherë në podium.

Ata kanë simuluar fituesit e çmimit më të madh individual për dhjetë vitet e ardhshme, derisa ka shumë emra befasues në listë.

Më poshtë do të keni fituesit e mundshëm të Topit të Artë deri në vitin 2033 sipas Football Manager2024:

Lexo po ashtu Sekretet më tronditëse të trofeut të Topit të Artë - detaje të padëgjuara më parë

2024 – Kylian Mbappe

Vendi i parë: Kylian Mbappe (PSG)
Vendi i dytë: Robert Lewandowski (Barcelona)
Vendi i tretë: Jude Bellingham (Real Madrid)

Lexo po ashtu UEFA heq dorë nga çmimet e tyre, bashkon forcat me France Football për të ndarë së bashku Topin e Artë

Ishte gjithmonë çështje kohe para se Kylian Mbappe të merrte në duart e tij Topin e Artë dhe në këtë simulim nga FM24, ai merr çmimin në sezonin e parë të bashkëpunimit mes UEFA-s dhe France Football.

Mbappe shënoi 32 dhe dhjetë asistime në 49 ndeshje, që ishte mjaft e mirë për të fituar Ligue 1, por jo mjaftueshëm për të ndihmuar PSG-në të kalonte Manchester Cityn në çerekfinale të Ligës së Kampionëve.

Ai e lë mbrapa vetës Robert Lewandowskin e Barcelonës (meqë ra fjala, 40 gola në 50 ndeshje) dhe yllin e Real Madridit, Jude Bellingham (30 asistime).

Lexo po ashtu Me përfundimin e epokës Messi-Ronaldo: Mbappe fillon rivalitetin tjetër të madh të futbollit

2025 – Kylian Mbappe

Vendi i parë: Kylian Mbappe (PSG)
Vendi i dytë: Bukayo Saka (Arsenal)
Vendi i tretë: Bernardo Silva (Man City)

Është një triumf i njëpasnjëshëm për Mbappen, i cili shënoi pesë gola më pak, por realizoi pesë asistime.

Bukayo Saka, i cili luajti 61 ndeshje të çmendura këtë vit, në fakt përfundoi me një vlerësim mesatar më të lartë, por rikthimi i tij prej 28 golave ​​dhe 11 asistimeve nuk arriti të kënaqte jurinë.

Bernardo Silva i Manchester City përmbyll treshen e parë me një rikthim solid prej 16 golash dhe 14 asistimesh.

Lexo po ashtu Haaland cilësohet si 'viktima' e fundit: Lewandowski, Sneijder dhe pesë lojtarët e tjerë që u grabitën ndër vite për Topin e Artë

2026 – Kylian Mbappe

Vendi i parë: Kylian Mbappe (PSG)
Vendi i dytë: Bernardo Silva (Man City)
Vendi i tretë: Jude Bellingham (Real Madrid)

Silva është një hap më afër çmimit këtë vit, por ende nuk ka rival për Mbappen, vlerësimi mesatar i të cilit përfundon në një 7.96 të çmendur mbi 54 paraqitje.

Lojtari i Manchester City rriti numrat e golave ​​dhe asistimeve të tij dhe ngjitet në vendin e medaljes së argjendtë përpara Bellingham, i cili është kthyer në garë pas një viti mbresëlënës me Los Blancos.

Sa i përket Mbappes, ai aktualisht po luan në një linjë sulmuese e cila përfshin Christian Pulisic, një nënshkrim prej 50 milionë euro nga Milani dhe Raphinha me 10 milionë euro nga Barcelona.

Lexo po ashtu Skandal pas skandali në ceremoninë e Topit të Artë: Emiliano Martinez dhe babai i tij mbetën të shtangur nga francezët që i vërshëllyen

2027 – Kylian Mbappe

Vendi i parë: Kylian Mbappe (PSG)
Vendi i dytë: Rodrygo (Man City)
Vendi i tretë: Bukayo Saka (Arsenal)

Duke barazuar rekordin e Messit me fitoren e katërt radhazi, Mbappe e mban vlerësimin e tij mesatar në 7.95 falë sezonit më kreativ të karrierës së tij – 25 asistime dhe vetëm 22 gola.

Disa lajme të mëdha transferimi për vendin e dytë. Rodrygo iu bashkua Manchester Cityt për 200 milionë euro në verën e vitit 2024, dhe ai është në podiumin e Topit të Artë tri vite më vonë.

Saka siguron edhe një herë vendin e tij mes medaljeve me 24 gola dhe 17 asistime në 62 ndeshje për Arsenalin.

Lexo po ashtu Messi emëroi një lojtar të Real Madridit që mund të fitojë Topin e Artë - nuk është Bellingham

2028 – Jude Bellingham

Vendi i parë: Jude Bellingham (Real Madrid)
Vendi i dytë: Kylian Mbappe (PSG)
Vendi i tretë: Lamine Yamal (Barcelona)

Ka ndodhur. Kemi një fitues të ri. I jep fund mbretërimit të Mbappes, Bellingham, i cili shënoi 19 gola dhe 21 asistime në 53 ndeshje për Madridin.

Ai arriti të kontribuonte më pak se Mbappe, vlerësimi mesatar i të cilit prej 7.90 ishte gjithashtu më i lartë, por Bellingham ende bëri mjaft për të kapërcyer vijën.

Ne kemi një fytyrë të re në vendin e tretë, pasi sensacionali i Barcelonës, Lamine Yamal, e përmbush potencialin e tij me 30 gola në 48 ndeshje për skuadrën e Xavit.

Lexo po ashtu Skandali që bëri France Football me Novak Djokovicin në ndarjen e Topit të Artë për gra

2029 – Erling Haaland

Vendi i parë: Erling Haaland (Man City)
Vendi i dytë: Rodrygo (Man City)
Vendi i tretë: Bukayo Saka (Arsenal)

Të gjithë përshëndesin dhe duartrokisin Manchester Cityn.

Haaland fiton Topin e Artë të tij të parë në moshën 28-vjeçare, pasi realizoi 39 gola në 57 ndeshje për Citizens, të cilët gjithashtu marrin titullin në vendin e dytë ndërsa Rodrygo merr një tjetër medalje.

Për herë të parë deri më tani, nuk ka Mbappe në treshen e parë, ndërsa Saka, vlerësimi mesatar i të cilit ishte më i lartë se dyshja e Cityt, e përmbyll atë.

Lexo po ashtu A i ka Pele shtatë Topa të Artë? E vërteta pas polemikave në Brazil

2030 – Kylian Mbappe

Vendi i parë: Kylian Mbappe (PSG)
Vendi i dytë: Erling Haaland (Man City)
Vendi i tretë: Lamine Yamal (Barcelona)

Me një zjarr në këmbët e tij, 31-vjeçari Mbappe e shtyn veten në majë të futbollit botëror me 25 gola dhe 18 asistime për të fituar Topin e Artë të pestë, duke e vendosur atë të barabartë me Cristiano Ronaldon në listën e të gjitha kohërave.

Haaland zbret në vendin e dytë, me kthimin e tij prej 37 golave ​​dhe 11 asistimeve duke dhënë një vlerësim mesatar çuditërisht të ulët prej 7.23.

Yamal, i cili po luan tani si sulmues, rikthehet në vendin e tretë.

Lexo po ashtu Nuk kishte se si të mungonte reagimi i motrës së Ronaldos për Topin e tetë të Artë të Messit

2031 – Kylian Mbappe

Vendi i parë: Kylian Mbappe (PSG)
Vendi i dytë: Lamine Yamal (Barcelona)
Vendi i tretë: Bukayo Saka (Arsenal)

Tani duke kaluar Ronaldon në renditjen e të gjitha kohërave, Topi i Artë i gjashtë i Mbappes vjen në vitin 2031. 32-vjeçari ende shënon  shumë gola, duke grumbulluar 30 në 48 ndeshje.

Yamal arriti ta mposht atë shifër, duke shënuar 36 gola në 52 ndeshje për të fituar një përfundim më të mirë personal të dytë.

Medalisti shumëvjeçar i bronzit Saka është kthyer në vendin e tretë. Ai ka fituar dy herë çmimin Lojtari i Vitit në Botë, nëse kjo është ndonjë ngushëllim?

Lexo po ashtu Listohen katër rekordet e Lionel Messit që mund të mos thyhen kurrë

2032 – Lamine Yamal

Vendi i parë: Lamine Yamal (Barcelona)
Vendi i dytë: Endrick (Man Utd)
Vendi i tretë: Vinicius Junior (Real Madrid)

Fitimi i parë i Topit të Artë për Yamal, i cili në vitin 2032 është 24 vjeç. Spanjolli shënoi 32 gola dhe nëntë asistime në 55 ndeshje.

Duke bërë paraqitjen e tij të parë në këtë simulim, Endrick vjen i dyti. Ai iu bashkua Manchester United nga Real Madrid në vitin 2029 për 140 milionë euro dhe shijoi sezonin më të mirë të golave ​​në karrierën e tij këtu.

Vinicius Junior gjithashtu bën daljen e tij të parë në vendin e tretë, pasi kishte parë ish-shokun e skuadrës Rodrygo të arrinte në podium dy herë përpara se të arrinte një herë.

Lexo po ashtu Çfarë i tha Messi, Haalandit pasi që e fitoi Topin e Artë

2033 – Vinicius Junior

Vendi i parë: Vinicius Junior (Real Madrid)
Vendi i dytë: Xavi Simons (PSG)
Vendi i tretë: Kylian Mbappe (PSG)

Disi tani në kulmin e tij në moshën 32-vjeçare, Vinicius fiton Topin e Artë të parë të karrierës së tij pasi shënoi 32 gola në 54 ndeshje në një sulm, ku përfshihet edhe ish-anësori i Arsenalit, Marquinhos, i cili u bashkua për 65 milionë euro në vitin 2031.

Xavi Simons duket se ka zënë vendin e Mbappes në sulmin e PSG-së, duke u renditur i dyti përpara vetë francezit. /Telegrafi/