Stil Trend Këshilla Lifestyle

Katër ushqimet e përpunuara që pothuajse gjithmonë çojnë drejt shtimit në peshë

(Foto: Pexels)

Para 1 viti

Shtimi në peshë është një çështje komplekse që mund të ndikohet nga faktorë të ndryshëm dhe një nga fajtorët më të rëndësishëm që shpesh shoqërohet me këtë problem është konsumimi i ushqimeve të përpunuara.

Në botën e sotme me ritme të shpejta, këto ushqime të përshtatshme janë bërë kryesore për shumë njerëz. Megjithatë, jo të gjitha ushqimet e përpunuara janë krijuar të barabarta, ndërsa dihet se disa kontribuojnë në kilogramët e padëshiruar.

Për të mësuar rreth katër ushqimeve të përpunuara më të këqija për t’u qëndruar larg, She Finds ka folur me Mary Sabat, MS, RDN, LD. Ajo zbuloi se ushqimet nga mishi i përpunuar, instant pastat, pastat e paketuara dhe brumërat e pjekura, si edhe drithërat e mëngjesit me sheqer, janë disa nga ushqimet e përpunuara të njohura që pothuajse gjithmonë çojnë në shtim në peshë nëse konsumohen me tepricë.

Ushqimi nga mishi i përpunuar

Ushqimet e përpunuara të mishit, si salsiçet, kanë fituar popullaritet si opsione të pëlqyera të ushqyerjes. Megjithatë, këto produkte shpesh përmbajnë sasi të mëdha të yndyrave të pashëndetshme, natrium dhe konservues, duke i bërë ato një kontribuues potencial në shtimin e peshës.

Sallami i ftohur, salsiçet dhe virshllet, janë të pasura me yndyra të pashëndetshme dhe aditivë që mund të kontribuojnë në shtimin e peshës, duke përfshirë yndyrën viscerale.

Konsumimi i tepërt i ushqimeve të mishit të përpunuar mund të çojë në rritjen e marrjes së kalorive dhe mund të nxisë mbingrënien për shkak të shijeve të tyre të varura dhe paketimit të përshtatshëm.

Pasta të menjëhershme

Instant pastat, megjithëse të përshtatshme dhe të lira, shpesh shoqërohen me shtim në peshë për shkak të niveleve të larta të karbohidrateve të rafinuara dhe aditivëve jo të shëndetshëm. Këto vakte të shpejta dhe të lehta zakonisht janë të ulëta në lëndë ushqyese dhe fibra, duke ju bërë të ndiheni më pak të kënaqur dhe më të prirë për të ngrënë tepër.

Paketimet me instat pasta janë plot me natrium, yndyra të pashëndetshme dhe shpesh përmbajnë MSG (glutamat mononatriumi) dhe aditivë artificialë që mund të nxisin ruajtjen e yndyrës. Për më tepër, përmbajtja e tepërt e kripës mund të çojë në mbajtjen e ujit dhe fryrje, të cilat mund të japin përshtypjen e rreme të shtimit të peshës.

Drithërat e ëmbla për mëngjes

Drithërat e mëngjesit me sheqer, shpesh të tregtuara për fëmijët dhe të rriturit, janë një kontribuues shqetësues në shtimin e peshës. Këto drithëra zakonisht janë plot me sheqer të shtuar, pa fibrat dhe proteinat e nevojshme që nxisin ngopjen dhe nivelet e qëndrueshme të energjisë gjatë gjithë mëngjesit.

Shumë prej tyre janë të ngarkuara me sheqer të shtuar dhe karbohidrate të rafinuara, të cilat çojnë në rritjen e insulinës dhe depozitimin e yndyrës, duke përfshirë yndyrën e brendshme.

Konsumimi i rregullt i drithërave të mëngjesit me sheqer ka qenë i lidhur me probleme të ndryshme shëndetësore, si shtimi i peshës, prandaj këshillohet të zgjidhni opsione më ushqyese të mëngjesit që ofrojnë energji të qëndrueshme dhe mbështesin më mirë menaxhimin e peshës.

Brumërat e paketuara

Brumërat e pjekura të paketuara, të tilla si kiflet dhe biskotat, janë të shijshme dhe shpesh përmbajnë shumë sheqer, yndyra të pashëndetshme dhe miell të rafinuar. Këta përbërës mund të kontribuojnë në shtimin e peshës nëse konsumohen shpesh.

Petullat e ëmbla dhe produktet e tjera të pjekura shpesh përmbajnë trans yndyra, miell të rafinuar dhe sheqerna të shtuara që mund të nxisin akumulimin e yndyrës së brendshme.

Për më tepër, yndyrat e pashëndetshme që gjenden shpesh në pasta të paketuara mund të nxisin ruajtjen e yndyrës në trup. Ndërkohë që është shumë mirë t’i shijoni këto ëmbëlsira herë pas here, konsumimi i tepërt i pastave të paketuara dhe produkteve të pjekura mund të çojë në marrjen e tepërt të kalorive dhe shtim në peshë, prandaj është e rëndësishme t’i shijoni ato në moderim si pjesë e një diete të ekuilibruar. /Telegrafi/