Top skuadrat evropiane synojnë transferimin e Marcos Leonardos në janar

Marcos Leonardo do ta bëj hapin e madh në karrierën e tij në afatin kalimtar të janarit, pasi në verë ai dështoi ta bënte një gjë të tillë.

Sulmuesi brazilian ka shkëlqyer me Santosin dhe ishte shumë pranë Romës në verë, por në fund negociatat mes dy klubeve dështuan.

20-vjeçari është një nga futbollistët më premtues në Brazil, teksa në 39 ndeshje zyrtare ka shënuar 20 gola dhe ka asistuar në katër të tjerë.

“Ndihem i përgatitur për të luajtur për një klub të madh dhe në një kampionat të madh evropian” .

Lexo po ashtu Marcos Leonardo po insiston në transferimin te Roma

“Në afatin kalimtar veror isha shumë pranë transferimit tim, por gjërat nuk përfunduan ashtu siç ishin planifikuar”, tha Leonardo duke iu referuar kalimit të mundshëm te Roma.

Mediat braziliane kanë raportuar se Manchester United, Borussia Dortmund, Barcelona, Roma dhe Napoli janë skuadrat që kanë shprehur interesim për yllin e ri brazilian.

Santos nga ana tjetër është e gatshme ta lejoj largimin e yllit të skuadrës nëse vije një ofertë rreth 30 milionë euro.

Vet lojtari është i gatshëm për ta bërë hapin e madh në karrierë dhe në janar do të jetë një garë e madhe për t’i siguruar shërbimet e tij. /Telegrafi/