Kryeministri i Polonisë i drejtohet Zelenskyt: Kurrë më mos e ofendo popullin polak

Kryeministri i Polonisë, Mateusz Morawiecki paralajmëroi presidentin ukrainas, Volodymyr Zelensky se do të ketë pasoja nëse do të vazhdojë me komente “fyese” ndaj polakëve.

“Dua t’i them presidentit Zelensky që të mos ofendojë më kurrë polakët, siç bëri kohët e fundit gjatë fjalimit në OKB”, tha kryeministri polak në një tubim elektoral të premten.

Kjo vjen pasi presidenti polak ishte përpjekur të lehtësonte tensionet midis dyja kombeve në mosmarrëveshjen e vazhdueshme mbi importet e grurit ukrainas.

Lexo po ashtu Polonia nuk do t’i dërgojë më armë Ukrainës, reagon Pentagoni

Fjalimi i fundit i liderit ukrainas në Asamblenë e Përgjithshme të Kombeve të Bashkuara në New York i tensionoi më tej marrëdhëniet me Varshavën, partner thelbësor ushtarak në luftën kundër Rusisë.

Në fjalimin e tij, Zelensky tregoi përpjekjet e Kievit që të mbajë hapur rrugët tokësore për eksportimin e grurit në mes të një bllokade ruse të Detit të Zi.

Megjithatë, ai kritikoi gjithashtu “teatrin politik” që rrethon importet e grurit, duke ndihmuar pa dashje agjendën e Moskës, raporton skynews.

Lexo po ashtu Polakët dhe ukrainasit mund të përkeqësojnë edhe më tej raportet - Polonia pritet të ndalojë importin e më shumë produkteve ushqimore të Ukrainës

Kryeministri Mateusz Morawiecki në një tubim elektoral gjatë ditës së djeshme iu drejtuar të parit të shtetit ukrainas me fjalët, “dua t’i them presidentit Zelensky që kurrë më të mos ofendojë polakët, siç bëri kohët e fundit gjatë fjalimit në OKB”.

Ndryshe, Polonia është ndër shtetet kryesore që po e ndihmon Ukrainën që të çlirohet nga pushtuesit rus. /Telegrafi/