Polakët dhe ukrainasit mund të përkeqësojnë edhe më tej raportet – Polonia pritet të ndalojë importin e më shumë produkteve ushqimore të Ukrainës

Kryeministri polak ka thënë se vendi mund të ndalojë importet e më shumë produkteve ushqimore ukrainase, pasi ai paralajmëroi Kievin kundër përshkallëzimit të një mosmarrëveshjeje për importet e grurit.

“Unë paralajmëroj autoritetet ukrainase, sepse nëse ata e përshkallëzojnë këtë konflikt në këtë mënyrë, ne do të ndalojmë importin e më shumë produkteve në territorin e Republikës së Polonisë”, tha Mateusz Morawiecki.

Varshava ka qenë një nga aleatët më të vendosur të Ukrainës që nga pushtimi i Rusisë në shkurt të vitit 2022, raporton skynews.

Por, vendet tani janë përfshirë në një konflikt të thelluar mbi eksportet bujqësore pasi Polonia, së bashku me Hungarinë dhe Sllovakinë, zgjatën një ndalim për importet e grurit nga fqinji i tyre i shkatërruar nga lufta.

Ndalimi u njoftua të premten dhe u prezantua për të mbrojtur fermerët nga një rritje e importeve të drithërave dhe ushqimeve nga Ukraina pasi pushtimi bllokoi kryesisht rrugët e saj të preferuara përmes porteve të Detit të Zi.

Ndryshe, Rusia ka përfunduar njëanshëm marrëveshjen për drithërat me ukrainasit, të cilin e ka ndërmjetësuar Turqia dhe Kombet e Bashkuara. /Telegrafi/