Franz Beckenbauer është i sëmurë rëndë, ai nuk është shfaqur në publik që nga janari

Ajo që u spekulua prej muajsh u konfirmua dje (e martë) – legjenda më e madhe e futbollit gjerman, Franz Beckenbauer, është sëmurë rëndë.

Informacioni për sëmundjen e Beckenbauer u konfirmua nga një tjetër legjendë gjermane, Lothar Matthaus.

“Franz gjithmonë ka thënë se gjëja më e rëndësishme në jetë është shëndeti dhe ai nuk e ka atë për momentin. Sigurisht, ne të gjithë shpresojmë që ai të bëhet më i mirë dhe të jetë përsëri ai i vjetri”, ka thënë Matthaus.

Beckenbauer, i cili fitoi Kupën e Botës me Gjermaninë si lojtar në vitin 1974 dhe më pas si trajner në vitin 1990, nuk është shfaqur në publik kohët e fundit.

Lothar Matthäus reveals that Franz Beckenbauer is not doing well at the moment: "We wish him the best of health, and that he will be his old self again, with his energy. Of course we hope he gets better. Franz always said that health is the most important thing in life. He… pic.twitter.com/8pEsAkZmPA

— Bayern & Germany (@iMiaSanMia) August 22, 2023

Ai u pa për herë të fundit në janar të këtij viti dhe pasi nuk u paraqit në korrik në festën e 33-vjetorit të fitimit të titullit kampion bote, filluan të qarkullojnë zëra se ai ishte i sëmurë rëndë, gjë që fatkeqësisht Matthaus e konfirmoi.

Beckenbauer do të jetë 78 vjeç më 11 shtator, deri më tani ai ka bërë tre operacione në zemër, derisa nuk mund të shohë plotësisht me syrin e djathtë. /Telegrafi/