Të gjithë po befasohen me kartonin e kuq të Tomiyasu

Tifozët e Arsenalit, por edhe të futbollit në përgjithësi mbetën të hutuar pasi mbrojtësit Takehiro Tomiyasu iu dha kartoni i dytë i verdhë kundër Crystal Palace.

Reprezentuesi japonez u ndëshkua dy herë në shtatë minuta për Gunners në Selhurst Park, midis minutave 60 dhe 67.

Ai u ndëshkua për humbje kohe nga gjyqtari David Coote, përpara se të gjykohej se kishte tërhequr Jordan Ayew të Palace ndërsa ai vraponte përpara.

Tomiyasu got 2 yellows, 1 for holding the ball for 8 seconds and the 2nd for a shirt pull that never happened. What are we even doing here? pic.twitter.com/hrtpx6nBZn

— (312) Gooner (@312gooner) August 21, 2023

Tomiyasu, shokët e tij të skuadrës në Arsenal dhe menaxheri Mikel Arteta protestuan kundër vendimit, por duke qenë se ishte një karton i dytë i verdhë, VAR-i nuk ishte në gjendje të ndërhynte dhe të anulonte vendimin.

Si kundërpërgjigje, tifozët e Arsenalit e drejtuan tërbimin e tyre te gjyqtari, duke përmendur disa incidente të tjera që ndodhën para dhe pas kartonit të dytë të verdhë të mbrojtësit të krahut.

Mediat sociale shpërthyen me komente të ndryshme dhe thuajse të gjithë janë të mendimit se kontakti ishte i lehtë dhe kartoni ishte i evitueshëm. /Telegrafi/