Polonia do të dërgojë 1000 trupa të tjera në kufirin me Bjellorusinë

Roja kufitare e Polonisë i ka kërkuar qeverisë të dërgojë 1000 trupa të tjera në kufirin me Bjellorusinë, për të ndaluar përpjekjet e njerëzve për të hyrë ilegalisht në vendin e tyre.

Shërbimi pretendon se të paktën 19 mijë njerëz janë përpjekur të kalojnë kufirin prej 400 kilometra tashmë këtë vit, nga 16 mijë në 2022, raporton skynews.

Shërbimet kufitare polake regjistruan rreth 3,900 përpjekje për të kaluar ilegalisht vetëm në korrik – muajin kur shefi i Wagnerit, Yevgeny Prigozhin njoftoi se kishte filluar të stërvit ushtrinë bjelloruse për t’u bërë “ushtria e dytë më e mirë në botë”.

Lexo po ashtu Kryeministri polak: Wagner po përpiqet ta destabilizojë krahun lindor të NATO-s

Instituti amerikan për Studimin e Luftës thotë se Wagner ka kryer ushtrime stërvitore në një kamp në Brest, qyteti i gjashtë më i madh i Bjellorusisë – i cili është disa qindra metra nga kufiri polak.

Trupa të tjera u dërguan javën e kaluar pasi dy helikopterë bjellorusë hynë për pak kohë në hapësirën ajrore polake gjatë një stërvitje stërvitore.

Ndryshe, OKB-ja dhe Shtëpia e Bardhë kanë këmbëngulur vazhdimisht se nuk ka shenja të besueshme që Wagner paraqet ndonjë rrezik real për Poloninë. /Telegrafi/