Parlamenti Evropian ka nënvizuar rëndësinë e përshpejtimit të anëtarësimit të Shqipërisë në BE. Kjo është bërë e ditur nga anëtarët e delegacionit të PE të Komitetit Parlamentar të Stabilizim Asociimit BE-Shqipëri, të cilët ndodhen në Parlamentin shqiptar.
Delegacioni është pritur në një takim të veçantë nga kryetarja Lindita Nikolla.
Gjatë takimit ajo vlerësoi mbështetjen e dukshme dhe të fuqishme të Parlamentit Evropian për integrimin evropian të Shqipërisë dhe nënvizoi se, “kjo mbështetje i ka paraprirë strukturave të tjera të BE-së.”
“Anëtarësimi në BE është një objektiv kombëtar, mbipartiak dhe vijon të gëzojë mbështetje mbarëpopullore, më shumë se në të gjitha vendet e tjera të e rajonit. Kuvendi, qeveria, institucionet dhe qytetarët e Shqipërisë kanë vetëm një plan A për të ardhmen e vendit, që është anëtarësimi në BE. Ne e pranojmë me krenari që jemi vendi më proevropian i rajonit” tha zonja Nikolla.
Sipas saj një vit nga data e çeljes së negociatave dhe mbajtja e Konferencës së parë Ndërqeveritare në korrik 2022, Shqipëria ka bërë hapa bindës drejt anëtarësimit. “Kryesimi i Procesit të Berlinit përgjatë vitit 2023 po rrit prestigjin dhe kontributin e Shqipërisë si faktor stabiliteti në rajon. Kuvendi i Shqipërisë është i vendosur për të garantuar legjitimitetin demokratik të procesit të integrimit, bashkëpunimin mes maxhorancës dhe opozitës dhe karakterin gjithëpërfshirës, nëpërmjet bashkëpunimit me shoqërinë civile dhe faktorë te tjerë jopolitikë”, theksoi Nikolla.
Kryetari i Delegacionit, Manolis Kefaloiannis, dhe anëtarët e delegacionit vlerësuan arritjet e Shqipërisë në procesin e integrimit, sidomos pas çeljes së negociatave, të cilat përmenden edhe në raportin e miratuar para pak ditësh, vlerësuan ecurinë mjaft pozitive të procesit të screening, avancimin e reformave dhe nënvizuan rëndësinë e përshpejtimit të anëtarësimit të Shqipërisë në BE./RTSH
Lufta Prigozhin - Putin
Më shumëKosova mbetet jashtë Këshillit të Evropës, nuk hyn në agjendën e Komitetit të Ministrave
Anëtarësimi i Kosovës në KiE, Vuçiq thotë se lobi i Knausit dhe britanikët po përpiqen të bëjnë "një truk” tjetër
Ministri francez: Çështja e Kosovës mund të shkaktojë përçarje në KiE
Gjermania: Kosova të dërgojë në Kushtetuese draftin e Lajçakut
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
Escobar: Është dashur të insistojmë më shumë në zbatimin e Asociacionit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë