Kryeministri i Kosovës, Albin Kurti, është shprehur i bindur se sulmi ndaj ekipeve të mediave që ka ndodhur në Leposaviq të premten, ka qenë i organizuar dhe me qëllim të qartë: frikësim dhe zmbrapsje.
Këtë deklarim ai e ka bërë të dielën, pasi ka pritur në takim dy prej gazetarëve dhe kameramanëve të lënduar gjatë këtij sulmi nga persona të maskuar.
“Në kryeministri mirëprita dy prej gazetarëve dhe kameramanëve të lënduar në Leposaviq nga grupe kriminale. Sot jam më i bindur se dje që sulmi ndaj ekipeve të mediave të premten ishte i organizuar dhe me qëllim të qartë: frikësim dhe zmbrapsje. Pleurat Salihut dhe Albin Rrahmanit ju uroj shërim të shpejtë dhe punë të mbarë sapo t’i kthehen terrenit”, ka shkruar Kurti në Facebook.
Shërim të shpejtë iu ka uruar edhe gazetareve Dorentina Thaqi, Laura Kerolli dhe Qendresa Sinani, si dhe kameramanëve Bardh Bekteshi e Ardijan Shala.
Kryeministri tutje ka theksuar se Kosova është Republikë e lirë dhe e tillë do të jetë gjithmonë.
“I falënderoj gazetarët dhe kameramanët për punën e guximshme dhe raportimin e saktë nga komunat në veri, që më së miri kanë nxjerrë në dritë se me kë përballemi atje si shtet e shoqëri. Sundimi i ligjit është mburoja më e mirë, për të gjithë”, ka përfunduar kreu i ekzekutivit./Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251