Mesazh për kreun e Wagnerit – Mercenarët e Kadyrovit nënshkruajnë kontratë me Rusinë

Luftëtarët e detashmentit Akhmat, i cili është nën komandën e Ramzan Kadyrov, nënshkruan një kontratë me Ministrinë e Mbrojtjes së Rusisë pas nxjerrjes së një dekreti nga ministri Sergey Shoigu.

Në videon e publikuar nga Ministria e Mbrojtjes, dokumenti nënshkruhet nga drejtori i Akademisë së Forcave Speciale Ruse, Adam Dashayev dhe zëvendësshefi i Shtabit të Përgjithshëm të Forcave të Armatosura të Federatës Ruse, gjenerallejtënant Alexei Kim.

Sipas dekretit të Shoigut, të gjithë luftëtarët e “formacioneve vullnetare” duhet të nënshkruajnë një kontratë me departamentin ushtarak që përcakton aktivitetet e tyre në zonën e “operacioneve speciale ushtarake” deri më 1 korrik. Çeta e Akhmatit ishte e para që e bëri këtë.

Russie : Le détachement "volontaire" "Akhmat" a signé des contrats avec le ministère de la défense après le décret de Shoigu.

Le contrat a été signé par le colonel-général Alexei Kim et Adam Dashayev. Le député de la Douma d'État Adam Delimkhanov était présent. pic.twitter.com/xusxn1jCTc

— Rebecca Rambar (@RebeccaRambar) June 12, 2023

“Shpresoj që në të ardhmen, duke parë përvojën tonë të parë, edhe njësi të tjera vullnetare do të nënshkruajnë kontrata të tilla”, tha zëvendës shefi i shtabit, Kim pas nënshkrimit të dokumentit.

Ndryshe, kreu i grupit mercenarë rus, “Wagner”, Yevgeny Prigozhin refuzoi t’i bindej dekretit të Shoigut.

Lexo po ashtu Ukraina thotë se ka rimarrë një fshat të katërt – flitet edhe për të pestin - si pjesë e kundërofensivës kundër forcave ruse

“PMC Wagner nuk do të nënshkruajë asnjë kontratë me Shoigun. Fakti që ai shkruan dekrete apo urdhra vlen ekskluzivisht për Ministrinë e Mbrojtjes dhe ato brenda Ministrisë së Mbrojtjes”, tha Prigozhin.

Përveç konfliktit me Shoigun, kreu i Wagnerit po mundohet ta largojë prej skenës edhe shefin e Shtabit të Përgjithshëm të ushtrisë ruse, Valery Gerasimov. /Telegrafi/