Giroud i bënë një favor të madh Arsenalit për në Ligën e Kampionëve

Olivier Giroud mund të jetë larguar nga Arsenali në vitin 2018, por goli i tij i fundit për Milanin e ndihmoi ish-klubin e tij.

Francezi shënoi golin e fitores për Rossonerët në mposhtjen 1-0 të Juventusit – një rezultat që i siguroi skuadrës së tij një vend në Ligën e Kampionëve sezonin e ardhshëm dhe do të thotë që Juve nuk mund të kualifikohet.

Si rezultat, shanset e Arsenalit për të pasur një rikthim të suksesshëm në kompeticion janë rritur pasi ata tani do të jenë në vazon e dytë për shortin.

UEFA përdor sistemin e saj të koeficientëve për të përcaktuar listën për garën evropiane me Topçinjtë në vendin e 23-të.

Dukej sikur Gunners do të ishin në vazon e tretë dhe potencialisht do të ishin në një grup vdekjeje.

Por, me dështimin e Juventusit për t’u kualifikuar në Ligën e Kampionëve sezonin e ardhshëm, skuadra e Mikel Artetas u konfirmua në vazon e dytë.

Gjigantët italianë ishin të tetë në renditjen e koeficientëve, por për fat të mirë për Arsenalin ata humbën – me një zbritje prej 10 pikësh në Serie A duke luajtur një rol të madh.

Duke qenë në vazon e dytë, tani do të thotë se Arsenali mund të përballet vetëm me një nga skuadrat më të mëdha të Evropës në fazën e grupeve.

Deri më tani, Barcelona, ​​Napoli, Bayern Munich, Paris Saint-Germain, Benfica dhe Feyenoord mund të vizitojnë Emirates, si dhe fituesi i Ligës së Evropës nga Roma dhe Sevilla. /Telegrafi/