Walker pranon se Man City ‘do të studiojë’ Interin dhe Milanin në gjysmëfinale të Ligës së Kampionëve

Mbrojtësi i Manchester Cityt, Kyle Walker pranon se ai dhe shokët e tij të skuadrës do të shikojnë ndeshjen e kthimit të sontme gjysmëfinale të Ligës së Kampionëve ndërmjet Interit dhe Milanit për të ‘studiuar’ skuadrat milaneze.

Reprezentuesi anglez foli në një konferencë për shtyp të martën në prag të ndeshjes së dytë të finales së Ligës së Kampionëve kundër Real Madridit.

“Milani dhe Interi janë klube gjigante”, deklaroi ai në konferencë për media.

Lexo po ashtu Formati i ri i Ligës së Kampionëve: Grafiku tregon qartë se si do të funksionojë

“Ne do ta shikojmë atë lojë dhe do ta studiojmë atë shumë, por gjëja e parë është të shkojmë në finale”.

Njëra nga dy skuadrat milaneze do të rezervojë biletën sonte për finalen e Stambollit që luhet më 10 qershor.

Nerazzurrët kanë një avantazh, pasi kanë siguruar një fitore 2-0 në ndeshjen e parë javën e kaluar.

Lexo po ashtu Inter – Milan: Statistika, analizë, formacionet e mundshme dhe parashikim i Derby della Madonnina në Ligën e Kampionëve

Interi ose Milani do të përballen në finale me fituesin mes Real Madridit dhe Manchester Cityt. Gjigantët e La Ligës dhe Ligës Premier do të takohen në gjysmëfinalen e dytë në stadiumin Etihad të mërkurën pas barazimit 1-1 në Madrid javën e kaluar.

Ndoshta, ka një arsye më shumë pse Walker do të shikojë ndeshjen e sontme në San Siro, duke qenë se raportimet në Angli e kanë lidhur atë me një transferim te Milani verën e ardhshme. /Telegrafi/