Pasardhës i Xhafer Devës, Valdet Deva, ka thënë se të martën ka pranuar konfirmimin zyrtarë nga Gjykata e Berlinit rreth padisë që ka bërë kohë më parë ndaj ambasadorit gjerman në Kosovë, Jorn Rohde për shpifje ndaj figurës së Xhafer Devës.
Deva përmes një statusi në rrjetin social në Facebook ka thënë se ky konfirmim nga kjo gjykatë është një fitore për familjen e tij.
“Të nderuar miq, dje pranova konfirmimin zyrtarë nga Gjykata e Berlinit rreth padisë time ndaj ambasadorit Gjerman, Rohde, për shpifje të rëndë ndaj Xhafer Devës.
Ky konfirmin është një fitore e madhe për familjen Deva, por njëkohësisht për të gjithë ata që e përkrahen rrugëtimin tim në kërkim të drejtësisë!
Tani Ambasadori Rohde duhet të paraqes faktet, mbi të cilat u deklarua duke shpifur rëndë mbi figurën e Xhafer Devës”, ka shkruar Deva.
Ai po ashtu u shpreh se nëse ambasadori gjerman në Kosovë kërkon falje publike, Deva do të tërheq padinë e tij.
“Dua të ritheksoj se, popullin gjerman e kemi pasur dhe do t’i kemi miq përgjithmonë, prandaj për herë të fundit i bëj thirrje Rohde, të kërkoj falje publike familjes Deva për deklaratat e pamatura dhe të pabaza ndaj figurës së Xhafer Devës. Në rast se Rohde kërkon falje, une e tërheqi padinë, dhe këtë e them këtu publikisht”, ka thënë Deva. /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251