Kompania Frigo Deluxe sot ka hapur panairin më të madh dy ditor të gastronomisë nën moton “Zgjidhje për Çdo Chef” – për të gjithë profesionistët në industrinë e kuzhinës, duke sjell inovacione të ndryshme në teknologji.
Në ditën e parë të këtij eventi morën pjesë përfaqësues të ambasadave të huaja në Kosovë, si: Italisë, Greqisë…, ministrja e Industrisë, Ndërmarrësisë dhe Tregtisë, Rozeta Hajdari, kryetari i Odës Ekonomike të Kosovë, Lulzim Rafuna dhe shumë personalitete të njohura në fushën e gastronomisë.
Ministrja Hajdari tha se ndjehet e plotësuar me organizimin e këtij panairi, pasi, siç u shpreh ajo, sektori privat po shënon një transformim të suksesshëm sa i përket sektorit të gastronomisë.
“Jam e plotësuar që jam sot me ju, pasi shoh një sukses dhe një transformim të sektorit privat… Përvoja juaj gjithashtu do të shërbejë në avancimin e kulinarisë, dhe ne do të përpiqemi ta kthejmë atë në një instrument zhvillimi për të nxjerr më të mirën dhe për të dhënë më shumë produkte…”, ka thënë Hajdari.
Edhe ambasadori i Italisë në Kosovë, Antonello De Riu, tha se është e jashtëzakonshme se si një kompani organizon një panair kaq të madh dhe me shumë rëndësi për vendin.
“Është një panair i projektuar nga një kompani… Është gjë e jashtëzakonshme qysh një kompani po bën një panair kaq të mirë… Më vjen mirë që është kjo kompani në Kosovë, e cila i promovon produktet e Italisë në Kosovë”, ka thënë ambasadori i Italisë në Kosovë.
Ndërsa, kryetari i Odës Ekonomike të Kosovë, Lulzim Rafuna, tha se me anë të këtij panairi po investohet në ngritjen e profesionalizmit të punëtoreve vendor.
“Përveç pajisjeve moderne që importoni më shumë më gëzon fakti që keni investu në ngritjen e kualitetit në edukimin e kuzhinierëve tanë dhe keni sjell inovacion në shumë të rinj. Investimi më i mirë i një shoqërie është investimi në njerëz, apo në burime njerëzore…”, ka thënë Rafuna.
Ndërkaq, Burim Kuraja, CEO Frigo Deluxe tha se vendimi për të organizuar një panair kaq të veçantë ka ardhur si pasojë për të ju shërbyer të gjithë shefave të kulinarisë qofshin ata të hotelierë, pastiçeri edhe bakery.
“Jemi të specializuar në pjesën e konsulencës, projektimit, zhvillimit si dhe servisimit të çdo pajisje të cilat përfshijnë të gjitha këto sektorë. Ky panair është i dedikuar për të profesionistët e kësaj fushe. Këtu kemi 30 shefa nga 30 shtete të ndryshme… Jemi dhe me 10 shefa të kuzhinës së Kosovës, pasi ju kemi ofru një mundësi që të bashkohen me italianët, kryesisht nga shefat italianë, po ashtu kemi grekë, do të vijnë dhe nga Korea, kemi nga Franca dhe nga Çekia”, ka thënë Kuraja.
Ai po ashtu u shpreh se janë duke menduar që të avancojnë shefat vendor.
“Po bashkëpunojmë me të gjithë shefat vendor, që të hapim njohuri sa më shumë. Dhe deri tani kemi organizuar me mundësit tona disa trajnime të cilat i kemi mbajtur nga shefat italianë për shefat tonë vendor në objektin e Frigo Delux”, ka thënë ndër të tjera Kuraja.
Ndryshe, ky event do të jetë i hapur më 6 dhe 7 maj dhe është duke u mbajtur në ambientet prej 5,000 metra katrorë të FRIGO DELUXE. Eventi synon të prezantojë teknologjinë më të fundit italiane dhe të demonstrojë se si të përdoret për të përmirësuar efikasitetin dhe për të arritur rezultate më të mira në kuzhinë.
Në këtë panair do të marrin pjesë deri në 2,000 profesionistë vendas dhe vizitorë profesionistë nga Shqipëria, Greqia, Maqedonia e Veriut, Serbia dhe Mali i Zi.
Përgjatë ngjarjes dyditore, kuzhinierët italianë do të gatuajnë dhe do të demonstrojnë teknologjinë e tyre më të fundit, duke theksuar dallimet që ajo bën në industri. /Telegrafi/
Lufta Prigozhin - Putin
Më shumëProplus Call Center po vjen edhe në Gjilan!
Ditët me fat kanë mbërritur në Neptun!
FASAL paraqet inovacionet e reja në Global Albanian Gastronomy Festival
Ekzaminime falas për kancerin e gjirit në Albi Mall më 12 dhe 13 tetor
Buxheti i Kosovës ngulfatet nga skemat sociale
Ministri Zharku përuroj asfaltimin e rrugës Botushë - Koshare
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Barcelona do të tentojë transferimin e yllit të Bayernit të cilit i skadon kontrata në fund të sezonit
Njihuni me "ishullin parajsë" në Belize, ku çmimi për një shtëpi nuk është i lirë, por ka shumë për të ofruar
Ky është çifti që thuhet se u gjetën të vdekur, të përqafuar nën rrënoja - pas përmbytjeve shkatërruese në Bosnjë
Ukraina nuk do të anëtarësohet në NATO për sa kohë që unë jam në krye të qeverisë sllovake - thotë kryeministri Fico
Ushqimi për FSK-në - flet ministri i Mbrojtjes, Ejup Maqedonci
Tifozët e Man United po kërkojnë shitjen e një lojtari pas paraqitjes së dobët ndaj Aston Villës