Nga 500 deri në 1000 euro biletat për të parë nga afër në studio finalen e Big Brother VIP Albania

Big Brother VIP Albania është kthyer prej muajsh në formatin më të shikuar në mbarë trevat shqiptare.

Shtëpia më e vëzhguar në Shqipëri ka depërtuar edhe përtej ekranit përmes atmosferës që kanë dhuruar banorët e saj VIP, e që tashmë kanë ngelur shumë pak meqë është drejt fundit.

Deri më tani ka tre finalistë të konfirmuar: këngëtari Luiz Ejlli, artistja e makjiazhit Efi Dhedhes dhe moderatorja Deamishel Hoxha.

Ndërkohë në garë për finalistin e katërt janë konkurrentët: Nita Latifi, Kristi Aliaj (Dragot) dhe Qetësor Ferunaj.

Lexo po ashtu Reagoi e nervozuar ndaj Luizit me deklarata për Kiarën, Arbana Osmani del edhe një herë me sqarim për publikun

Finalja e madhe e spektaklit do të mbahet më 6 maj në Tiranë dhe moderatorja e programit, Arbana Osmani, njoftoi herën e kaluar se do të dilnin shumë shpejt në shitje biletat për ata që duan ta ndjekin nga afër në studio finalen.

Telegrafi merr vesh se çmimi bazë i pakos më të thjeshtë për ta ndjekur finalen është 500 euro për person, ndërsa 1000 euro do të jetë bileta VIP, me të cilën fansi do të ketë akses edhe në ‘after-party’, ku do të mund të takojë nga afër finalistët dhe të realizojë fotografi me ta.

Lexo po ashtu Nita debat me Luizin: Kur sheh dikë keq e godet edhe më shumë

Këto çmime kanë shkaktuar reagime të shumta nga përdoruesit në rrjetin social Twitter, me shumë prej tyre që janë befasuar me impaktin e madh që ka krijuar programi dhe rritjen e kostos deri në këtë pikë për të parë finalen. /Telegrafi/