Mallkimi i Benficës në Evropë

Vetëm një emër i bën të dridhen të gjithë fansat e Benficas, dhe ai është Bela Guttmann.

Tregimi sa është i çuditshëm, aq është edhe i pabesueshëm.

Historia

Njeriu të cilit i kushtohet ky tregim është Bela Gutmann. Ai ishte trajner i Benficas nga viti 1959 deri në vitin 1962. Hungarezi la klubin, pasi fitoi dy trofe të European Cup (Liga e Kampionëve) në sezonet 61’ dhe 62’.

Pas kësaj Gutmann kërkoi rritje page, por u refuzua nga klubi. I irrituar ai e ka klubin dhe pas kësaj tha edhe një fjali: “Asnjëherë nga tani për 100 vjet Benfica nuk do të fitojë titull në Evropë”.

Fjalët e tij dolën

Që atëherë, pra nga viti 1962, Benfica ka luajtur në katër finale të European Cup (Liga e Kampionëve), një të UEFA Cup dhe një Europa League (Liga e Evropës).

Dhe siç ka thënë Guttmann, asnjërën nga këto finale ata nuk e kanë fituar… dhe mallkimi ende vazhdon.

Më poshtë të gjitha finalet e humbura të Benficas në garat evropiane.

64/65: Benfica – Inter 0-1 (LK)

Tri vite pas fitores së fundit dhe largimit të Gutmann, Benfica kishte një mundësi për trofe. Por një gol i Jair da Costas të Interit vendosi takimin.

67/68: Benfica 1-4 Manchester United (LK)

Eusebio dhe bashkëlojtarët e tij ishin shumë afër, por anglezët e fituan ndeshjen në vazhdime.

82/83: Benfica 1-2 Anderlecht (UEFA Cup)

Kjo përballje luhej me dy takime, ku fillimisht humbën 1-0, ndërsa ndeshja kthyese u mbyll 1-1 dhe belgët fituan trofeun.

87/88: Benfica 0-0 PSV (5-6 pen.) (LK)

Finalja e katërt e portugezëve ku kërkohej trofeu, doli të ishte edhe kjo e dëshpëruara, pasi humbën në penallti.

Vizita që nuk solli sukses

Eusebio që është legjendë e Benficas thuhet se shkoi ta vizitojë varrin e Guttmannit, u lut dhe kërkoi ndihmë para finales së vitit 1990 ndaj Milanit, që zhvillohej në Vjenë, aty ku pushon përjetësisht trajner i madh. As kjo nuk solli ndihmë…

89/90: Benfica 0-1 Milan (LK)

Edhe njëherë një holandez shuan ëndrrën portugeze, pasi ishte Frank Rijkaard që shënoi për triumfin e italianëve.

12/13: Benfica 1-2 Chelsea (UEFA Europa League)

Pas 23 vitesh pritje, portugezët luanin një finale, por që humbën në kohën shtesë.

https://www.youtube.com/watch?v=OcSHlsu7Z_g

13/14: Benfica 0-0 Sevilla (2-4 pen.) (UEFA Europa League)

Pasi mposhtën Juventusin në gjysmëfinale, dukej që trofeu do të vinte më në fund, por sërish humbën, edhe kësaj radhe me penallti.

/Telegrafi/