Ceballos i ofrohet rivalit të Real Madridit dhe klubeve në Ligën Premier

E ardhmja e Dani Ceballos është ende e pavendosur. Pas gjashtë sezonesh duke u përpjekur për të pasur sukses në Real Madrid – ai nuk po ia del.

Ai po shkëlqente te Real Betisi dhe kishte një luftë për të – aq shumë saqë vetë Real Madridit iu desh të fitonte betejën kundër Barcelonës për nënshkrimin e tij. Aq shumë sa Los Blancos besuan se kishin siguruar shërbimet e mesfushorit që do të dominonte në La Liga dhe kombëtaren spanjolle për një dekadë.

Kjo ndodhi në verën e vitit 2017. Gjashtë vite më vonë, pritshmëritë janë larg realizimit, pavarësisht se gjatë këtij sezoni ka pasur disa momente brilante si lojtar i Real Madridit.

Lexo po ashtu Asensio dhe Ceballos trokasin në derën e Florentino Perezit për të rinovuar kontratat me Real Madridin

Por – le të kthehemi në verën e vitit 2022, e fundit para përfundimit të kontratës së Ceballos me Real Madridin dhe në një kohë kur rrethi i mesfushorit ende nuk kishte asnjë lajm për qëllimin e tij për të vazhduar kontratën dhe i dha fund një marrëdhënie në të cilën ai është përballur me një nga mesfushorët më të mirë, ndoshta më të mirët në Kontinentin e Vjetër: Casemiron, tashmë në Manchester United, Luka Modric dhe Toni Kroos.

Pikërisht aty kur shoqëruesit e tij ranë në kontakt me Atletico Madridin, rivalin e përjetshëm në kryeqytet. Një telefonatë që mbërriti në katin e fundit të Metropolitanos duke pyetur për interesin e mundshëm për të blerë shërbimet e Ceballos pasi të përfundonte kontrata e tij.

Bisedat, sipas burimeve pranë Atleticos, “nuk kanë shkuar më tutje”. Ka qenë kontakti nga rrethi i lojtarit që nuk është marrë në konsideratë nga klubi pasi e kanë kuptuar se ai nuk është një lojtar me profilin e nevojshëm në atë pozicion, raporton Marca.

Në çdo rast, ai nuk është i vetmi në skuadër që e ka përjetuar ofertën në Evropë, ku më shumë se disa skuadra (veçanërisht në Ligën Premier) e kanë marrë vesh nga dora e parë disponueshmërinë e lojtarit për verën e ardhshme në mungesë të një ofertë nga Real Madridi. /Telegrafi/