Asensio dhe Ceballos trokasin në derën e Florentino Perezit për të rinovuar kontratat me Real Madridin

Marco Asensio dhe Dani Ceballos ishin lojtarët që frymëzuan Real Madridin në fitoren me rikthim 3-2 ndaj Villarrealit në Kupën e Mbretit të enjten.

Megjithatë, në më pak se gjashtë muaj ata mund të pushojnë së qeni futbollistë të Real Madridit, pasi kontratat e tyre skadojnë në fund të sezonit dhe ata ende nuk kanë arritur një marrëveshje zgjatjeje me klubin.

“Gjërat po diskutohen, të shohim se ku do të shkojë.  Jam i fokusuar te vetja ime dhe te ndeshja e ardhshme”.

“Shpresoj se gjithçka do të realizohet. Dua të rinovoj dhe të qëndroj në Madrid për një kohë të gjatë, por nuk është diçka që varet vetëm nga unë. Për mua gjëja më e rëndësishme është aspekti sportiv dhe të jesh i lumtur”, ka thënë Asensio.

Real Madrid ishte duke humbur me dy gola disavantazh në pjesën e parë dhe Carlo Ancelotti vendosi të bëjë një ndryshim të dyfishtë 10 minuta pas pjesës së dytë.

🔁 56' | 2-0 | Double Substitution: @DaniCeballos46 ↔️ @ToniKroos@marcoasensio10 ↔️ @RodrygoGoes#CopaDelRey | #HankookTire pic.twitter.com/cZ0dxCqtJA

— Real Madrid C.F. 🇬🇧🇺🇸 (@realmadriden) January 19, 2023

Ai solli Ceballos për Toni Kroos dhe Asensio për Rodrygo Goes dhe papritmas Real Madridi dukej sikur ishte një ekip krejtësisht i ri.

Ceballos kishte vetëm një minutë në fushë kur me një top të mrekullueshëm asistoi për Vinicius Junior, i cili shënoi golin e parë të Real Madridit.

Pak më shumë se 10 minuta më vonë, Ceballos mori pjesë në aksionin e golit të barazimit nga Eder Militao.

⚡ @vinijr kickstarted the comeback!
🆚 @VillarrealCFen #CopaDelRey pic.twitter.com/zabWdO8Ztt

— Real Madrid C.F. 🇬🇧🇺🇸 (@realmadriden) January 20, 2023

Kombinim triumfues

Brenda 20 minutave, plani po bëhej bashkë për Ancelottin, pasi Asensio ishte i gjallë në fazën e sulmit duke asistuar për Ceballos që shënoi golin e fitores.

Tani është koha që Ancelotti dhe presidenti Florentino Perez të bëjnë një lëvizje. Asensio po qan për një vend titullari dhe Ceballos dëshiron dëshpërimisht të rinovojë kontratën e tij.

Ata mund të mos jenë titullar të padiskutueshëm, por janë lojtarë themelorë që mund të krijojnë konkurrencë brenda ekipit dhe t’i ndihmojnë ata të fitojnë tituj. /Telegrafi/

👂 Did somebody say comeback?@DaniCeballos46 | #CopaDelRey pic.twitter.com/SXadoe0UGe

— Real Madrid C.F. 🇬🇧🇺🇸 (@realmadriden) January 19, 2023