Ancelotti pas triumfit në El Clasico: Lojë e shkëlqyer, rezultat i merituar

Real Madridi ishte në formë imponuese teksa e mposhti dhe eliminoi Barcelonën të mërkurën në mbrëmje për të siguruar vendin e tyre në finalen e Copa del Rey apo Kupën e Mbretit.

Pas humbjes 1-0 në ndeshjen e parë në Santiago Bernabeu, Los Blancos mposhtën rivalët e tyre në El Clasico 4-0 në ndeshjen e dytë, me golat e Vinicius Jr dhe tri tjera nga Karim Benzema që rezultuan të ishin diferenca.

Carlo Ancelotti ishte i entuziazmuar me paraqitjen e ekipit të tij në Spotify Camp Nou dhe ai besonte se ata prodhuan një performancë të kompletuar.

Lexo po ashtu Notat e lojtarëve, Barcelona 0-4 Real Madrid: Benzema pothuajse perfekt

“Kemi luajtur një lojë të shkëlqyer dhe ishte një rezultat i merituar. Ne dolëm shumë mirë në pjesën e dytë, në një lojë shumë të vështirë. Kur patëm mundësi krijuam rrezik në tranzicion”, ka thënë fillimisht Ancelotti pas ndeshjes.

“Kemi dhënë gjithçka, si në sulm ashtu edhe në mbrojtje. Vinicius ka respektuar, ai shënoi dhe Benzema gjithashtu është rikthyer. Sot ai ka qenë vendimtar si gjithmonë”, përfundoi trajneri italian.

Lexo po ashtu Xavi nuk përdor lëndimet si justifikim për humbjen trupëruese nga Real Madridi në Copa del Rey

Real Madridi do të përballet me Osasunën në finale, e cila do të zhvillohet më 6 maj.

Los Blancos do të kenë shansin për të fituar trofeun e tyre të parë të Copa del Rey që nga viti 2014. /Telegrafi/