‘Mirë se vini në festën tonë me rastin e humbjes së Unitedit’ – Partey tallet me rivalin e Arsenalit për humbjen nga Newcastle

Thomas Partey është tallur paksa me një prej rivalëve të Arsenalit, Manchester Unitedin, pas humbjes prej 2-0 nga Newcastle United në fundjavë.

Ganezi ka bërë ‘një goditje’ kundrejt Djajve të Kuq që me siguri do ta bëjë atë edhe më të dashur te besnikët e Topçinjve.

Dhe derisa Arsenali është në një seri prej shtatë fitoresh radhazi në ligë, ndeshja e tretë radhazi e Unitedit pa fitore, ka bërë që Newcastle ta kapërcejë skuadrën e Erik ten Hagut për të zënë vendin e tretë në tabelë.

Lexo po ashtu Situatë tensionuese te Man United: U dashtë ndërhyrja e ndihmësit të Ten Hag që situata mos të eskalonte mes tre lojtarëve të Djajve të Kuq

Personaliteti televiziv ganez, Nana Aba Anamoah, ka kërkuar nga Partey që t’u dërgonte mesazh tifozëve të klubit të tij, gjatë një dreke të përbashkët.

Super Partey 😄🔥 pic.twitter.com/O5kUwmjL1c

— nana aba (@thenanaaba) April 3, 2023

Por, në vend të një përshëndetjeje tradicionale, mesfushori ka thënë: “Bashkohuni me ne me rastin e festimit të humbjes së Unitedit”.

Lexo po ashtu Publikohet lista me 10 mesfushorët më të mirë defanzivë në botë

Prej se u transferua nga Atletico Madridi në vitin 2020, Partey është bërë një prej futbollistëve më të rëndësishëm në Emirates Stadium duke formuar partneritet vital me Granit Xhakën në mesfushë. /Telegrafi/