Lansohet video “teaser-i” i Kia EV9 – prezantimi i plotë do të behet më 15 mars

Nuk ka dyshim se Kia EV9 është një makinë elektrike shumë domethënëse për të gjithë grupin Hyundai. Do të jetë SUV-i më i madh elektrik i markës, do të shikojë Hyundai Ioniq 7 elektrik dhe do të konkurrojë në SHBA me Chevrolet Equinox ose ndoshta edhe Chevrolet Blazer ose Cadillac Lyriq.

Falë platformës gjithnjë e më fleksibël E-GMP nga Hyundai, Kia arriti të na sjellë EV6 që pushtoi botën. Hyundai e përdori atë në Ioniq 5 dhe Ioniq 6 dhe Genesis GV60 është ndoshta vetura elektrike me pamjen më të bukur bazuar në atë platformë, dhe tani, Kia është duke u bërë gati të lansojë SUV-in e saj të parë elektrik.

Arena EV thotë se Kia duhet lavdëruar për këtë – inxhinierët nuk u larguan shumë nga dizajni origjinal i prototipit. Fenerët vertikalë plotësohen nga një sërë pikselësh që zbehen në qendër të grilës dhe siç mund ta shohim, do të jenë në gjendje të shfaqin modele të ndryshme, transmeton Telegrafi.

Dera e pasme është padyshim më e gjatë se ajo e përparme dhe sugjeron shumë hapësirë për pasagjerët e pasmë dhe mënyrë të lehtë për të hyrë dhe dalë nga EV9. Por a do të ketë një version me 7 vende në dispozicion? Duket se ka vend të mjaftueshëm për të.

Debutimi i Kia EV9 po afrohet ngadalë dhe ne mund të presim që të shohim edhe më shumë ngacmime dhe rrjedhje para zbulimit zyrtar më 15 mars. Sipas disa rrjedhjeve të fundit të informacioneve, EV9 do të ketë versionin RWD me 200 kuaj fuqi dhe gjithashtu edhe versionin AWD me 400 kuaj fuqi. Çmimi i EV9 pritet të fillojë nga 56,000 dollarë dhe të shkojë deri në 73,000 dollarë për modelin më të lartë.

Do të jetë interesante të shihet nëse Kia sjell bateri më të mëdha apo do të përdorë paketat aktuale me kapacitet prej 82.kWh të cilat ne i njohim aq mirë nga e gjithë linja e modeleve Hyundai/Kia/Genesis. Megjithëse EV9 parashikohet të jetë në gjendje të tërheqë deri në 2,041 kilogram (4,500lbs), është e vështirë të imagjinohet se rrezja e vozitjes do të jetë aq e madhe kur vetura lidhet me një rimorkio. /Telegrafi/