Kryetarja e Forumit të Gruas në Lidhjen Demokratike të Kosovës, njëherit anëtare e Kryesisë së kësaj partie, Jehona Lushaku-Sadriu, në një intervistë në emisionin “Përballje” në Telegrafi.com ka thënë se asnjë marrëveshje nuk duhet të arrihet me Serbinë në Bruksel pa u diskutuar në Kuvendin e Kosovës.
Këtë deklarim ajo e ka bërë teksa ka folur për takimin e 27 shkurtit, mes kryeministrit të Kosovës, Albin Kurti dhe presidentit të Serbisë, Aleksandar Vuçiq, i cili do të zhvillohet në Bruksel në kuadër të dialogut, ku do të diskutojnë për propozimin franko-gjerman për normalizimin e raporteve, të njohur si Plani Evropian.
“Ne mendojmë se nuk mund të kalojë asnjë marrëveshje pa u diskutuar në Parlament, pra pa marrë shumicën e votave. Këtë po e presim. Përndryshe, plane dhe drafte ka pasur në qarkullim. Por, kjo nuk është serioze derisa partitë kryesore nuk kanë informacion për këtë çështje”, ka thënë Lushaku-Sadriu në intervistën me kryeredaktorin Muhamet Hajrullahu.
Ajo tutje ka folur edhe për raportet e Kosovës me Shtetet e Bashkuara të Amerikës, të cilat sipas saj janë lënduar me ardhjen në pushtet të Lëvizjes Vetëvendosje.
“Departamenti Amerikan i Shtetit është i zhgënjyer me Qeverinë e Kosovës dhe qëndrimet e saj në disa raste. Kryeministri dhe Vetëvendosje i kanë bërë një dhuratë të madhe Serbisë duke ia hapur rrugën e kontakteve dhe miqësisë me SHBA-në. Ndoshta pa vetëdije, por gjithsesi kjo ka shkuar në atë rrugë. Takimet janë simbolikë, por janë diçka që na tregojnë për raportet ndërkombëtare”.
“Ne e kemi kritikuar (Kurtin), por jo pa bazë. Nuk është tallje miqësia jonë me SHBA-në. Duhet të shohim fuqinë tonë si shtet, historinë tonë të afërt dhe formimin e shtetësisë tonë se kush ka qenë aleati kryesor. Ne në kushte edhe më të vështira i kemi mbajtur raportet e mira me SHBA-në. Asnjë lider dhe asnjë parti nuk ka të drejt që t’i vejë këto në pikëpyetje”, ka deklaruar Lushaku-Sadriu.
Një varg kritikash ajo ka pasur për Qeverinë edhe sa i përket përfaqësimit të Kosovës në politikën e jashtme.
Sipas saj, në këtë dikaster ka ngecje tash e dy vite. Madje, Lushaku-Sadriu ka përmendur edhe shkarkimet e paligjshme brenda MInistrisë së Punëve të Jashtme, duke thënë se “kjo tregon paaftësinë totale që ka ministrja dhe stafi politik”.
“Qeveria kë bërë shumë ekzibicione me politikën e jashtme dhe nuk ka arritur që të tregojë një përfaqësim të denjë. Nuk po them një performim të mirë, por as përfaqësimin minimal. E para, ka shkarkuar diplomatë në qendrat kryesore të botës, ku Kosova ka pasur ambasada të etabluara. I ka lënë me nga gjashtë muaj pa përfaqësim. Ka mungesë stafi edhe në qendrat si Uashingtoni”, ka thënë ajo.
“Në anën tjetër kemi parë shkarkime jo të ligjshme edhe të stafit të brendshëm në Ministrinë e Punëve të Jashtme, të cilët gjykatat po i kthejnë në vendet e tyre të punës dhe ministria po paguan dënime. Kjo tregon për paaftësinë totale që e ka ministrja dhe stafi politik. Kemi edhe ambasada që nuk e kanë as stafin esencial. Kjo tregon shumë për vizionin e kësaj qeverie. Është paradoksale të aplikosh në organizata ndërkombëtare pa u dakorduar me miqtë. Nuk kemi parë asnjë rast të lobimit. Po e sfidoj ministrinë, le ta publikojë një plan të veprimit për lobim që është duke u bërë p.sh për anëtarësim në Këshill të Evropës”.
Lushaku-Sadriu në këtë intervistë ka folur edhe për Asociacionin dhe reformat në LDK./Telegrafi/
Promo
Reklamo këtuLufta Prigozhin - Putin
Më shumëNjë milion qytetarë të regjistruar deri më tani, dalin statistikat sipas komunave
Dënimi me 25 vjet i Sekiraqës, babai i Triumf Rizës: Kurrfarë vendimi, nuk e kuptoj si më të vlefshëm kriminelët se polici që mbron ligjin e shtetin
25 vjet burgim për Enver Sekiraqën
Human Rights Network dënon sulmin e ministrit Murati ndaj mediave dhe shoqërisë civile
Vendosja e kamerave të sigurisë në veri, Elshani: Do të krijojmë një klimë të sigurisë më të madhe te qytetarët
Hapet dyqani i parë social në Prishtinë, Rama: Qytetarët në nevojë mund të furnizohen çdo muaj falas me produkte ushqimore e higjienike
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe