Kryetarja e Forumit të Gruas në Lidhjen Demokratike të Kosovës, njëherit anëtare e Kryesisë së kësaj partie, Jehona Lushaku-Sadriu, e ftuar në emisionin “Përballje” në Telegrafi.com ka kritikuar kryeministrin Albin Kurti për mënyrën e qeverisjes.
Në intervistën me kryeredaktorin Muhamet Hajrullahu, ajo ka thënë se kryeministri është kontrovers, ndërsa sipas saj, LDK-ja është konsistente në qëndrime.
“Kryeministri nuk është aspak konsistent në deklaratat e tij. Është kontrovers. Shpeshherë në diskursin e tij kemi parë lëvizje në qëndrimet e tij, duke u munduar ta kamuflojë…Preokupimi i tij kryesor është si ta ‘shesë’ për qytetarët. Ai po brengoset dhe po e përdor diskursin për të qenë i pranueshëm për qytetarët”, është shprehur Lushaku-Sadriu.
Duke e arsyetuar këtë, ajo ka thënë se LDK-ja e mbështetë Asociacionin e komunave me shumicë serbe në Kosovë, pasi vetë e ka nënshkruar një marrëveshje të tillë por se kjo duhet të bëhet sipas Kushtetutës së Kosovës.
“Ndërsa, LDK-ja është konsistente në qëndrimet e saj për atë që ka thënë më herët kur ka qenë në pozitë. Edhe Asociacionin edhe temat e vështira që kanë qenë të papranueshme për LVV-në në opozitë, ne tani i mbështesim për aq sa i kemi nënshkruar dhe qëndrojmë prapa tyre duke i respektuar vendimet e Gjykatës Kushtetuese”.
Sa i përket dialogut, Lushaku-Sadriu ka kritikuar ekzekutivin për mungesë transparencë, ikje nga përgjegjësia dhe moskoordinim me aleatët ndërkombëtarë.
“Ne si parti qëndrimet tona i kemi pasur shumë të qarta. Kemi ndërtuar disa parime të cilat kemi kërkuar që të respektohen nga Qeveria. Kemi kërkuar njohje reciproke me Serbinë, respektim të Kushtetutshmërisë së Kosovës dhe koordinim me aleatët. Kemi kërkuar që të na ofrohet një qasje e qartë nga kryeministri”, ka deklaruar ajo.
“Përgjatë rrugëtimit kemi parë shumë ikje nga përgjegjësia, duke mos pasur transparencë as ndaj qytetarëve dhe nuk e kemi pasur shumë herë të qartë se çka është duke ndodhur brenda Qeverisë në relacion me partnerët ndërkombëtarë. Kemi parë që partnerët tanë janë të pakënaqur. Ka pasur deklarime zyrtare nga SHBA-ja që si asnjëherë më parë në histori, janë shprehur të pakënaqur me qëndrimet e Kosovës”.
Në fund, anëtarja e Kryesisë së LDK-së e ka quajtur të paaftë Qeverinë Kurti.
“Duke i marrë parasysh rrethanat, ne jemi vërtetë të pakënaqur me performancën e kësaj Qeverie, por besojmë se këta janë të paaftë. Mos t’i harrojmë zhvillimet në veri. Të gjitha dramat që kryeministri i ka krijuar në atë pjesë të vendit dhe pastaj është kthyer në pikën zero duke u pajtuar me kërkesat e bashkësisë ndërkombëtare, por ka humbur shumëçka në ndërkohë”, ka përfunduar Lushaku-Sadriu.
Ajo ka folur edhe për diplomacinë e Kosovës dhe reformat në LDK./Telegrafi/
Promo
Reklamo këtuLufta Prigozhin - Putin
Më shumëNga Rubrika
Pahor: Kandidatura ime do të paraqitet në Bruksel, do të jem ndërmjetës i ndershëm në dialogun Kosovë-Serbi
Deputeti finlandez: Serbia nuk mund t’u imponohet shteteve për të kundërshtuar Kosovën në KiE
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Pahor: Kandidatura ime do të paraqitet në Bruksel, do të jem ndërmjetës i ndershëm në dialogun Kosovë-Serbi
Deputeti finlandez: Serbia nuk mund t'u imponohet shteteve për të kundërshtuar Kosovën në KiE
Policja që u raportua e zhdukur paraqitet në stacionin e Rahovecit
DW: Sinjale alarmi nga Ballkani - po përsëritet historia?
Deputeti gjerman, Abraham: Pranimi i Kosovës në Këshillin e Evropës është e vetmja rrugë përpara
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak