Stacioni i Policisë së Kosovës në veri të vendit, është duke hasur vështirësi të zbatimit të një prej vendimeve të rëndësishme të gjykatave, si ai i paraqitjes në polici të të pandehurve. Vet avokati i Silvana Arsoviq, e cila është pjesë e aktakuzës në rastin e vrasjes së politikanit serb, Oliver Ivanoviq, ka theksuar se ajo ka pasur probleme për ta kryer këtë procedurë. Të gjithë të akuzuarve në rastin Ivanoviq, u janë hequr të gjitha masat e sigurisë nga gjykata.
Dorëheqja e zyrtarëve serb nga Policia e Kosovës, ka shkaktuar probleme në zbatimin e një procedure të rëndësishme gjyqësore.
Televizioni Dukagjini ka mësuar nga burime të afërta me këto zhvillime se mungesa e zyrtarëve policor në stacionin e veriut, po e vështirëson zbatimin e masës së paraqitjes në polici të të pandehurve.
Policia e Kosovës nuk ka dashur ta komentoj këtë rast në veçanti.
“Lidhur me kërkesën tuaj ju informojmë se Policia e Kosovës është institucion i zbatimit të ligjit dhe nuk i komenton vendimet e organeve të drejtësisë. Policia e Kosovës ka kapacitete të mjaftueshme në realizimin e detyrave dhe autorizimeve policore në nivel vendi në të gjitha stacionet policore, përfshirë edhe stacionet policore në veri të vendit”, thuhet në përgjigjen e policisë.
Por, ky informacion është konfirmuar në së paku një rast, kur të akuzuarit janë ballafaquar me problematikën e paraqitjes së detyrueshme në Polici.
Avokati Musa Damati, tregon se klientja e tij, Silvana Arsoviq, e cila është një prej të akuzuarve në rastin e vrasjes së politikanit serb, Oliver Ivanoviq, ka pasur telash ta kryej këtë obligim.
“Rasti Ivanoviq mes tjerash është ballafaquar me probleme sa i përket masës së paraqitjes në stacionin policor. Në raport me klienten time, ka rastisur që në ditën kur tani ish-zyrtarët policor kanë deklaruar dorëheqjen e tyre, ajo në atë ditë ka pasur konfirmimin e paraqitjes në stacion policor. Realisht, ka munguar prezenca e zyrtarëve policor për të konfirmuar prezencën e saj”, ka thënë Damati.
Të gjithë të akuzuarve në këtë rast, Gjykata në fillim të muajit ua hoqi masën e paraqitjes në Polici.
Megjithatë, përkundër problematikave të pretenduara, avokati i të akuzuarit Marko Roshiq, Mahmut Halimi, thekson se Gjykata vendosi drejtë.
“Masat e paraburgimit, arrestit shtëpiak, paraqitjes në polici e të tjera, kanë një qëllim të caktuar. Kanë zhvillimin e papenguar të procedurës dhe sigurimin e pranisë së të pandehurit në procedurë. Do të thotë nuk është dënim dhe duhet me ju shmangë që mos me prediku, sepse një paraburgim po shndërrohet në dënim”, ka thënë Halimi.
Policia e Kosovës ka njoftuar para pak javësh se 140 pjesëtarë të komuniteteve jo shumicë, kanë aplikuar në konkursin me të cilin synohen të mbushen pozitat boshe në stacionin e Policisë në veri, derisa rreth 500 janë dorëhequr.
Promo
Reklamo këtuLufta Prigozhin - Putin
Më shumëGjuajte sërish me armë në “Aktash” të Prishtinës
Gjuajta me armë në Prishtinë, Policia jep detaje
Arrestimi i shtetasit të Kosovës që dyshohet se menaxhonte rrjetin financiar të Mossadit – Turqia kërkon informata nga Ministria e Drejtësisë
“Do të marrësh plumb në kokë”, kërcënohet me jetë kryetari i Zubin Potokut nga një person që thotë se është oficer i MUP-it
Arbëreshët i këndojnë komandantit legjendar Adem Jashari, i pranishëm edhe Lulëzim Jashari
Historiku i përleshjeve Capat-Sekiraqa, që përfundoi me viktima
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Publikohen pamjet e reja të Titanikut - anija e famshme po kalbet në fund të oqeanit
Historiku i përleshjeve Capat-Sekiraqa, që përfundoi me viktima
Indiania e dërgoi djalin në spital sepse gëlltiti një çelës - mjekët e tronditur zbuluan se ai kishte ngrënë edhe disa objekte metalike
Real Madridi kishte vetëm dy objektiva të tjerë në verë - kishte arsye të forta pse u tërhoq
Çfarë tregojnë historitë e zëvendëspresidentëve për shanset e Kamala Harrisit?
Finlanda do të zgjidhë një nga sfidat më të mëdha të njerëzimit