Barca kalon pengesën Cadiz dhe rrit diferencën me Realin

Barcelona e ka forcuar pozitën e parë në tabelë me një fitore komode (2-0) ndaj Cadizit në Camp Nou, në ndeshjen e javës së 22 në La Liga.

Në minutat e para të sfidës, mysafirëve iu anulua një gol i Roger Martit për pozitë jashtë loje. Në vijim Ferran Torres e pati një mundësi të mirë shënimi që nuk e konkretizoi.

Një depërtim i mrekullueshëm i Ferran në anën e djathtë të zonës dhe harkoi në qendër te Robert Lewandowski, i cili goditi me kokë, por intervenoi portieri Jeremias Ledesma për ta dërguar topin deri te Sergi Roberto, ndërsa ky i fundit e zhbllokoi rezultatin (43’).

Cook pic.twitter.com/cZeSucluV8

— FC Barcelona (@FCBarcelona) February 19, 2023

Nuk zgjati shumë dhe erdhi goli i dytë i vendasve. Pas një aksioni të ndërtuar mirë, Roberto pasoi te Lewandowski, i cili e dyfishoi epërsinë (45’+1).

Sulmuesi polak e goditi transversalen në pjesën e dytë, ndërsa Roger Martit iu anulua një tjetër gol, kësaj radhe për ndërhyrje të palejuar.

True Love ❤️ pic.twitter.com/j5cCFWlT5c

— FC Barcelona (@FCBarcelona) February 19, 2023

Në vijim, vizitorët krijuan disa raste shënimi, mirëpo nuk ia dolën ta futnin topin në rrjetën e Marc-Andre ter Stegen.

Falë kësaj fitoreje, Barcelona ka tetë pikë më shumë se përcjellësi i parë në tabelë, Real Madrid. Cadizi qëndron një pozitë mbi zonën e rrezikut me dy pikë më shumë se Valencia (që ka një ndeshje më pak të zhvilluar). /Telegrafi/

Arzamendia, Alcaraz and Fali all beaten by Ferran, whose cross eventually leads to Barça's first goal by Sergi Roberto https://t.co/m3IwGNaQgC

— UthmanFCB (@UthmanFCB) February 19, 2023

GOAL!

Barcelona 2-0 Cadiz

Robert Lewandowski scores#BarçaCadiz #BarçaGate #LaLigahttps://t.co/NvP6liVCbZ

— H/F (@hfworld_) February 19, 2023