Jorginho tregon si fjalimi i Artetas bëri që të rikthehen dhe ta fitojnë ndeshjen ndaj Aston Villas

Aston Villa – Arsenal ka qenë një nga ndeshjet më të mira këtë edicion në elitën e futbollit anglez Ligën Premier.

Në fund ishin londinezët që morën fitore me rezultat 2-4 edhe pse vendasit dy herë ishin në epërsi.

Mesfushori i ri i Arsenalit, italiani Jorginho ka folur për këtë fitore spektakolare të Arsenalit në Villa Park.

“Ndeshja ndaj Aston Villas tregon qartësisht se çfarë ndjesie dhuron kampionati anglez. Prandaj është edhe liga më e bukur në botë, është shumë e bukur”.

“Ishte një fitore shumë e rëndësishme për ne pas ndeshjes me Cityn, por edhe pas startit të ndeshjes me Aston Villan”, tha Jorginho.

Tutje reprezentuesi italian tha se fjalimi i trajnerit Mikel Arteta nëpushim mes pjesëve i ndihmoi futbollistët për të dalë në lojën e tyre.

“Nuk po dilnim në lojën tonë, por në pushimin mes pjesëve folëm së bashku me trajnerin Arteta. Ishte një bashkëbisedim shumë i sinqertë dhe u rikthyem në fushë me bindjen se mund ta përmbysnim ndeshjen. Dolëm në lojën tonë dhe ia arritëm të fitonim”, tha Jorginho. /Telegrafi/