Agjenti i Kvaratskhelias flet për interesimin e Real Madridit

Mamuka Jugheli, agjenti i yllit të Napolit, Khvicha Kvaratskhelia, konfirmoi se ka shumë interesim për klientin e tij mes raportimeve se Real Madridi i do shërbimet e gjeorgjianit.

Anësori 21-vjeçar shpërtheu këtë sezon, duke qenë një nga lojtarët kyç në luftën e skuadrës për Scudetto.

Kvaratskhelia ka shënuar 11 gola dhe ka dhënë 14 asistime në 23 paraqitje në Serie A dhe Ligën e Kampionëve këtë sezon, duke tërhequr vëmendjen nga e gjithë Evropa.

Lexo po ashtu Kvaratskhelia realizoi gol në minutën e 22-të në ditëlindjen e tij të 22-të në javën 22-të të Serie A

Duke folur për CN24, Jugheli u pyet fillimisht për interesimin e Real Madridit për klientin e tij.

“Jam vetëm unë, ai që përfaqëson Kvaran. Ai kontakton vetëm me mua dhe babain e tij. Nuk ka palë të treta që e përfaqësojnë atë siç është shkruar në Spanjë”, deklaroi fillimisht agjenti.

“Mund të konfirmoj se ka shumë interesim nga klubet e tjera. Megjithatë, Kvara mendon vetëm për të fituar Scudetton dhe ndeshjet e Napolit në Ligën e Kampionëve”.

Lexo po ashtu Napoli me emër të ri për Kvaratskhelia në ditëlindjen e tij

Ai konfirmoi se anësori 21-vjeçar gjeorgjian nuk ka asnjë interesim të bashkohet me një ekip tjetër në Itali.

Kontrata aktuale e Kvaratskhelia me Napolin skadon në qershor 2027 dhe bilanci pozitiv financiar i klubit do të thotë se ata nuk do të detyrohen të shesin asnjë yll gjatë verës.

Por, në fund të fundit – është dëshira e lojtarit se a dëshiron të luajë për Napolin apo t’i bashkohet Real Madridit. /Telegrafi/

Ag. #Kvaratskhelia: 'Il #Real? C'è grande interesse sul mercato. Rinnovo? Ancora nessuna proposta dal #Napoli' https://t.co/dAgmJf26bE

— calciomercato.com (@cmdotcom) February 15, 2023