Tërmeti në Turqi, ndërtesa pesëkatëshe qëndron në formë të pjerrët – as edhe një të çarë nuk e ka

Një video të cilën e publikoi mediumi turk Sabah, mund të dëgjohen dy burra duke bërë me gisht në drejtim të një ndërtese që qëndron në formë të pjerrët, në mungesë të themeleve.

Fjala është për një ndërtesë kolektive pesëkatëshe në Turqi, e cila nuk është shembur por që është e pabanueshme pas tërmetit të fuqishëm që goditi Turqinë gjatë javës së kaluar, transmeton Telegrafi.

Në videon 40-sekondëshe, dëgjohen dy burra duke komentuar se ndërtesa nuk ka as edhe një të çarë, e as dritare të thyer.

Lexo po ashtu Shkon në 33 mijë numri i viktimave nga tërmeti në Turqi dhe Siri

“Nuk po mund ta besojë, shikoni këtë”, thotë njëri nga burrat që thekson se ndërtesa është ndërtuar pa shtylla dhe themele.

Bashkëbiseduesit e Sabah thonë se bëhet fjalë për një metodë ndërtimi e quajtur “mbulesa e përgjithshme e dyshemesë”, e cila megjithatë është bërë aq sipërfaqësisht sa ka bërë që toka të kthehet në lëng dhe të çojë në këtë efekt të frikshëm.

Sipas inxhinierëve, kjo pamje tregon nevojën për studime gjeoteknike, të cilat zakonisht kryhen vetëm kur bëhet fjalë për ndërtesa të larta. /Telegrafi/