Seanca plenare e Kuvendit të Shqipërisë është përfshirë nga kaosi pasi grupimi i Sali Berishës ka bllokuar foltoren për të denoncuar lidhjet e supozuara të Kryeministri Edi Rama me çështjen e arrestimit të ish-zyrtarit të lartë të FBI-së, Charles McGonigal.
Pas thirrjeve të vazhdueshme të opozitës për interpelancë me Kryeministrit Rama për çështjen në fjalë, deputet e mazhorancës e kanë hedhur poshtë këtë kërkesë.
Ndërkohë pas kërkesave të vazhdueshme për të liruar foltoren e Kuvendit, kryetarja e Kuvendit, Lindita Nikolla ka përjashtuar ish-kryeministrin Sali Berisha nga seanca plenare.
Nikolla ka vazhduar me rendin e ditës ndërkohë që paralelisht deputet e grupimit të Berishës kanë vazhduar të mbajnë të bllokuar foltoren.
Më herët, kreu i Grupit Parlamentar të PD-së, Enkelejd Alibeaj ka kërkuar që Rama të ishte i pranishëm në seancë për t’u përgjigjur për lidhjet e tij me agjentin e FBI-së dhe pagesat që janë bërë nga Shqipëria.
“Ju jeni garante për të thirrur këtu Edi Ramën se ai njeri që është strumbullari i një skandali korruptiv që ka disa ditë që vlon në Shqipëri e Amerikë do duhet të japë sqarime më së pari në Parlament, ky është vendi ku duhet të jetë prezent”, tha Alibeaj, duke iu drejtuar Nikollës.
Ndërkohë që Berisha ka akuzuar drejtpërdrejt se Rama ka paguar zyrtarin amerikan për të lobuar kundër opozitës.
“Shqipëria gjendet çdo ditë në epiqendër të një cikloni që do të poshtëronte çdo vend të madh. Kryeministri, ministrat e tij, këshilltarë të tij, janë të implikuar direkt në një aferë korruptive në korruptimin e njërit prej njerëzve me njohuri më të jashtëzakonshme, më sensitive, në SHBA për sigurinë e këtij vendi, por edhe sigurinë e vendeve të lira”, tha Berisha.
“Prej muajsh, një juri ka urdhëruar hetimin e çdo mesazhi, çdo takimi, çdo udhëtimi, midis McGonigal, Dorian Duçkës, Agron Nezës dhe Edi Ramës. Kjo juri e citon në vendimin e saj në mënyrë të përsëritur Edi Ramën. Ky kryeministër ka kryer një krim të shëmtuar, ka keqshfrytëzuar një njeri të pamoral, e ka përdorur për qëllime të pushtetit të tij, kundër opozitës, e ka përdorur për manipulime. Kjo ndodh vetëm në Korenë e Veriut. Sot nuk mund të ketë debat tjetër në Parlament veç këtij debati”, shtoi Berisha.
“Rama të vijë këtu ose të shpallë dorëheqjen dhe të shkojë të dëshmojë në Amerikë”, u shpreh Berisha.
Rama nuk u paraqit në seancë plenare sot dhe nuk ka informacion për agjendën e tij. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Elmi Aziri: Do t’i thërrasim të gjithë qytetarët që të marrin pjesë në zgjedhjet presidenciale
Dënohet me 24 vjet burgim prizrenasi, kishte dhunuar seksualisht dy vajza nën moshën 14-vjeçare
Mexhiti, Ahmetit: A është e vërtetë se keni bërë thirrje për bojkot të zgjedhjeve presidenciale
Dita botërore e lirisë së shtypit, raporti i “Reporterëve pa Kufij” - Kosova shënon rënie për 19 vende
Gjilan, një person refuzon të ndalet para policisë - polici përmes xhamit ia merr çelësat dhe fikë veturën e tij
“Ushtria digjitale” e Kurtit në front kundër gazetarëve
Ferizaj, një grua raporton se vajza e saj është marrë nga një person i panjohur - dyshohet se ka kryer marrëdhënie seksuale me të
Anëtarësimi i Kosovës në KiE-së, Kosova dhe Zvicra mbajnë takimin konsultativ
Rama: Spitali i Kryeqytetit po bëhet, shumë shpejt projekti do të tenderohet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe