Nisin hetimet për keqpërdorimet në llogarinë e Usain Bolt

Një hetim është nisur pasi një llogari investimi në emër të legjendës olimpike Usain Bolt pa “miliona dollarë të zhduken”, sipas gazetës xhamajkane The Gleaner.

Legjenda e atletikës aktualisht mban një llogari investimi me Stocks and Securities Limited (SSL), por fondet e tij thuhet se janë zhdukur. Sprinteri xhamajkan vuri re se kishte një problem me llogarinë e tij të mërkurën dhe e raportoi atë.

Divizioni i Hetimeve Financiare të Xhamajkës dhe Komisioni i Shërbimeve Financiare po shqyrtojnë rastin në SSL, sipas menaxherit të fituesit të tetë herë medaljen e artë olimpike, Nugent Walker.

Ai tha për The Gleaner: “Janë marrë të gjithë hapat përkatës për t’i arritur në fund të kësaj. Ai ka qenë me këtë entitet për më shumë se dhjetë vjet. I gjithë portofoli i tij është duke u rishikuar”.

Gleaner gjithashtu raportoi se një ish-punonjës i Stocks and Securities Limited ‘ka qenë i implikuar në një mashtrim masiv në njësinë ekonomike’. Një përfaqësues ligjor në emër të ish-punonjësit të akuzuar ka zbuluar se klienti i tyre po bashkëpunon me SSL.

Avokati tha: “Klienti im është në diskutim me SSL dhe avokatët që përfaqësojnë SSL”.

Bolt pati një karrierë jashtëzakonisht të suksesshme në atletikë, duke fituar tetë medalje të pabesueshme të arta olimpike, si dhe u kurorëzua si vrapuesi më i shpejtë në botë në Kampionatin Botëror të vitit 2009.

Me suksesin e tij të madh erdhi shpërblimi financiar si në pistë të vrapimit ashtu edhe jashtë saj, me Forbes që raportoi se xhamajkani fitoi mbi 30 milionë euro në vitin e tij të fundit të garës në 2017. Në vitin 2022, Celebrity Net Ëorth vlerësoi vlerën neto të Bolt në 85 milionë euro. /Telegrafi/