Edhe pse kërkohet nga klubet kryesore pas paraqitjes mbresëlënëse në Botëror, Gakpo ka në mendje vetëm një skuadër

Gjysma e Evropës është në kërkim të Cody Gakpo pas një Kampionati Botëror të shkëlqyer, ndërsa ai ka befasuar me zgjedhjen për klubin ku dëshiron të shkojë.

Një nga lojtarët që bëri emër në ‘Katar 2022’ ishte sulmuesi holandez, i cili me paraqitje fantastike tërhoqi vëmendjen e klubeve kryesore evropiane.

Anësori 23 vjeçar që luan për PSV Eindhovenin mund të zgjedhë se në cilin klub do të transferohet në fund të sezonit, por ai dëshiron të shkojë vetëm në një klub – Manchester United.

Cody Gakpo hasn’t changed his mind on Manchester United. He was keen on joining last summer and this is still the case, discussions with his agents have always been positive. 🔴🇳🇱 #MUFC

It’s on Man United now, time to decide internally about €55/60m investment. pic.twitter.com/tsp3l4VbCH

— Fabrizio Romano (@FabrizioRomano) December 26, 2022

Siç raporton gazetari i respektuar Fabrizio Romano, Gakpo ka dashur të kalojë te Djajtë e Kuq që në verë dhe akoma nuk ka ndryshuar mendje pavarësisht interesimit të skuadrave tjera të mëdha.

Për t’i siguruar shërbimet e tij, drejtuesit e Unitedit duhet t’i paguajnë PSV-së ndërmjet 55 dhe 60 milionë euro, ndërsa Romano beson se transferimi do të ndodhë.

Gakpo në 159 paraqitje deri më tani me PSV-në ka qenë pjesëmarrës në 105 gola (55 herë si golashënues dhe 50 herë si asistues).

Po ashtu, ai ka shënuar edhe gjashtë gola në 14 paraqitje për Holandën, tre prej të cilëve i ka realizuar në Kampionatin Botëror në Katar. /Telegrafi/