‘E ndjejmë këtë Botëror si kurrë më parë’ – pamje mbresëlënëse nga Buenos Airesi, e gjithë Argjentina në festë

Festë, këngë dhe brohoritje, janë dëgjuar nëpër qytetet e Argjentinës, pasi përfaqësuesja e tyre u kualifikua në finale të Kampionatit Botëror.

Albicelestët regjistruan fitore bindëse ndaj Kroacisë (3-0) për t’u bërë finalisti i parë në ‘Katar 2022’ dhe janë në pritje të fituesit të duelit ndërmjet Francës dhe Marokut.

Euforia e fitores i ka frymëzuar mijëra argjentinas të dalin nëpër rrugë, ndërsa një valë tifozësh u nisën nga lagjet e Buenos Airesit drejt qendrës së qytetit.

Buenos Aires, 13 de diciembre, 2022. 😍🇦🇷 pic.twitter.com/9K6qDtbVSV

— Copa Mundial FIFA 🏆 (@fifaworldcup_es) December 14, 2022

Ata e vërshuan qytetin në këmbë, me makina, përmes vagonëve të metrosë, në autobusë me njerëz të varur nga dyert – derisa qendra e famshme e Obeliskut u pushtua nga tifozët që organizuan një karnaval në Avenida 9 de Julio.

“E ndjejmë këtë Botëror si kurrë më parë. Për shkak të vdekjes së Diego (Maradonas në vitin 2020) dhe sepse është i fundit për (Lionel) Messin”, i ka thënë AFP-së një 23 vjeçar.

“Ne fituam! Të dua Argjentinë”, ka bërtitur bërtiti pensionisti Pablo Cardozo, 74 vjeçar, teksa qëndronte përpara një ekrani televiziv në një kafene në Buenos Aires, ndërsa klientët më të rinj brohorisnin.

Studentët festuan në lagjen universitare të Barrio Clinicas. Në të gjithë vendin u grumbulluan një mori tifozësh rreth ekraneve gjigante për të parë ndeshjen dhe për t’i lënë emocionet e tyre të shpërthenin.

Mijëra njerëz zbritën në plazhin popullor Punta Mogotes në vendpushimin bregdetar jugor Mar del Plata, shtëpia e portierit Emiliano Martinez, duke valëvitur flamuj dhe kapele të vogla palaçosh.

Natyrisht, dashuria më e madhe ishte e rezervuar për Messin, i cili ka arritur pothuajse çdo gjë të mundshme në lojë – përveç imitimit të paraardhësit të tij si idhulli i Argjentinës, Diego Maradona, i cili i frymëzoi Albicelestët në lavdinë e Kupës së Botës në vitin 1986.

Drone footage of Argentina fans in Buenos Aires after they beat Croatia! 🔥🇦🇷pic.twitter.com/ZNhFgUgrV1

— SPORTbible (@sportbible) December 14, 2022

“Messi ka hyrë në zemrat e tifozëve. Ai është një person shumë i dashur dhe ka treguar lidership, ai ka mbajtur krahët e ekipit”, ka thënë historiani Felipe Pigna për AFP.

“Qué mirás, bobo?” (Çfarë po shikon, budalla?) – fyerja e kapitenit drejtuar sulmuesit holandez, Wout Weghorst, pas fitores dramatike të penalltive të Argjentinës ndaj Holandës në çerekfinale, tashmë është bërë trend dhe po vendoset në kriklla, bluza e relikte të tjera. /Telegrafi/

https://twitter.com/EssoPorch/status/1601572374352392193

How much a World Cup means to the country. Amazing scenes at Buenos Aires!! #Messi𓃵 #ArgentinaVsCroatia pic.twitter.com/okuO5NHLH2

— K Sudarshan (@SudarshanEMA) December 14, 2022

https://twitter.com/UN_Team_HCA/status/1602838961096998913