Situata në veri të Kosovës vazhdon të jetë e tensionuar dhe disa rrugë të saj vazhdojnë të qëndrojnë të bllokuara, kjo pasi komuniteti serb të shtunën vendosi barrikada në fshatin Rudar të Mitrovicës, si shenjë pakënaqësie për arrestimin e ish-pjesëtarit të Policisë së Kosovës, Dejan Pantiq nga radhët e këtij komuniteti.
Siç raporton Telegrafi, në veri të qytetit të Mitrovicës shihen pak qytetarë duke lëvizur nëpër qytet, ndërsa forca të shtuara të Policisë së Kosovës dhe karabinierë italianë ndodhen mbi urën kryesore të lumit Ibër në Mitrovicë dhe disa patrulla policie në lagjen Boshnjakëve.
Se situata sot nuk ka ndryshuar që nga dita e hënë e ka konfirmuar edhe zëvendës drejtori i Policisë së Kosovës, për veriun e Mitrovicës Besim Hoti.
“S’ka ndonjë ndryshim”, ka thënë shkurt, Hoti.
Po ashtu Policia e Kosovës është duke patrulluar dhe në disa zona tjera të veriut të Mitrovicës, por edhe në lagjen e Boshnjakëve.
Lulzim Peci i cili është shef i Zyrës në Drejtorinë për kthim dhe komunitete në Komunën e Zveçanit në një prononcim për Telegrafin ka thënë se situata është e tensionuar dhe siç tha ai janë në pritje të ndonjë zgjidhje.
“Situata është e tensionuar dhe po presim nëse bëhet ndonjë zgjidhje paqësore”, ka thënë Peci për Telegrafin.
Edhe Qerkin Veseli nga Zyra për kthim dhe komunitete në Komunën e Zubin Potokut tha se banorët e komunitetit shqiptarë janë mësuar me këto lloj situatash.
Ai tha se situata e krijuar është më shumë tension psikologjik, e cila vazhdon që 23 vite.
“Banorët janë të qetë. Kjo lloj situate vazhdon sot e 23 vite. Më shumë është tension psikologjik që po bëhet tek ne”, ka thënë Veseli.
Ndryshe, vendosja e barrikadave në Rudarë erdhi në shenjë pakënaqësie për arrestimin e ish-pjesëtarit të Policisë së Kosovës, Dejan Pantiq nga radhët e komunitetit serb.
Si rrjedhojë, Policia e Kosovës mbylli rrugët që çojnë për në pikë kalimet kufitare Jarinjë dhe Bërnjak që lidhin Kosovën dhe Serbinë. /Telegrafi/
Promo
Reklamo këtuLufta Prigozhin - Putin
Më shumëFruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Çfarë pyetje u bëhen qytetarëve në diasporë për regjistrim?
Kurti merr kundërpërgjigje për kritikat ndaj Prokurorisë Speciale
Anëtarësimi i Kosovës në KiE, cilat janë vendet skeptike që duan fillimisht asociacionin?
Dënohet me 24 vjet burgim prizrenasi, kishte dhunuar seksualisht dy vajza nën moshën 14-vjeçare
Konkursi i dyshimtë i Policisë, IPK: Do t’i verifikojmë informatat
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City