Vela “demaskon” Vuçiqin, tregon arsyet e vërteta të refuzimit të pjesëmarrjes në Samitin e Tiranës

Presidenti i Serbisë, Aleksandar Vuçiq, e ka përdorur si pretekst emërimin e Nenad Rashiqit në krye të Ministrisë për Komunitete, për të mos shkuar në samitin BE-Ballkan Perëndimor, që do të mbahet me 6 dhjetor në Tiranë.

Kështu së paku pretendon Blerim Vela – këshilltar i Presidentes së Kosovës.

“Histeria e Vuçiqit është një përpjekje e dështuar për të fshehur arsyet e vërteta për refuzimin e pjesëmarrjes në samitin BE-Ballkan Perëndimorë në Tiranë”, ka shkruar Vela në Twitter, transmeton Telegrafi.

Sipas Velës janë dy arsye për këtë tentim fshehje:

Shpërqëndrimi i vëmendjes pas emërimit të një lugati rus, në krye të shërbimit sekret serb dhe dyta është pasi që Deklarata e samitit kërkon nga 6 vendet e Ballkanit Perëndimor, përfshirë Serbinë, që t’i bashkohen BE-së në sanksionet ndaj Rusisë”, ka shkruar Vela.

🚨 Vučić’s hysteria is a failed attempt to hide true reasons for refusing to attend EU-WB summit in Tirana:

❗️Distract the attention from the appointment of Vulin, a 🇷🇺 lackey, as head of secrete service

❗️Summit declaration asks WB6, incl. SRB, to align with 🇪🇺 sanctions on 🇷🇺 pic.twitter.com/5CtibqxCRY

— Blerim Vela (@Blerim_Vela) December 1, 2022

Më 6 dhjetor në Tiranë mbahet samiti i parë mes liderëve të BE-së dhe Ballkanit Perëndimor.

Në faqen zyrtare të Këshillit të Bashkimit Evropian thuhet se samiti është një mundësi për të rikonfirmuar rëndësinë kyçe të partneritetit strategjik midis BE-së dhe Ballkanit Perëndimor, një rajon me një perspektivë të qartë të BE-së. /Telegrafi/