Zëvendëskryesuesi i Kuvendit Komunal në veri të Mitrovicës, Skender Sadiku, duke folur për zhvillimet e fundit dhe gjetjen e një zgjidhjeje për çështjen e targave ilegale serbe, ka thënë se qytetarët e veriut të Kosovës janë duke treguar nivel të lartë qytetarie, duke e ruajtur qetësinë, me shpresë që do të arrihet një marrëveshje në Bruksel.
Në një intervistë për Telegrafin, Sadiku potencoi se është i bindur se në Bruksel do të arrihet një marrëveshje mes palëve për çështjen e targave.
Sadiku theksoi se Mitrovica është mësuar që të përballet me skena të llahtarshme, me protesta të dhunshme e me sirena e alarme.
Ai tha se ka ardhur koha që edhe qytetarët e Mitrovicës të jetojnë si çdo qytetar tjetër në vend.
“Në kuptimin e plotë të fjalës, qytetarët e të gjitha komuniteteve janë duke e kaluar testin. Qytetarët janë mbi nivelin e politikanëve, mbi nivelin e gjyqtarëve dhe policëve, pasi janë duke e ruajtur qetësinë, dhe shpresoj që kjo do të tejkalohet pa problem. Në fund të ditës po shihet që do të arrihet një marrëveshje, jo vetëm për targat, por një marrëveshje gjithëpërfshirëse. Në 5 km katror ky qytet është mësuar me skena të llahtarshme, me protesta të dhunshme, me sirena e alarme dhe shpresoj që ka ardhur koha që të jetojmë si çdo qytetar. Jemi duke iu afruar realitetit”, ka thënë Sadiku.
Tutje ai u shpreh se problemi i qytetarëve janë vërshimet, me të cilat po përballen ditëve të fundit.
“Problemi real i qytetarëve janë vërshime nga pasojat e reshjeve të shiut. Shpresojmë që dhe ne ta kryejmë pjesën tonë të punës, të merremi me probleme të përditshme të qytetarëve. Është shenjë e mirë që janë kthyer zjarrfikësit, pasi me ligji e kishin të ndaluar që të japin dorëheqje. Ne jemi mësuar që zjarrfikësit t’i kemi vetëm te zjarret, por në këtë moment, në këto vërshime e shohim sa fisnik është profesioni i tyre. Po ashtu edhe qendra për punë sociale është duke dhënë shërbime, pra nuk janë të dëmtuar personat që jetojnë me ndihmë sociale. Edhe Komuna me kapacitete të limituara po punon”, tha zëvendëskryesuesi i Kuvendit Komunal në veri të Mitrovicës.
Ai tha se edhe komuniteti serb që jeton në këtë pjesë të Kosovës është në pritje të arritjes së një marrëveshje mes dy shteteve.
“Edhe komuniteti serb në veri është në pritje që të arrihet një marrëveshje gjithëpërfshirëse. Edhe atyre ju duhet një normalitet. Shpresoj që edhe këtë test të demokracisë do ta kalojë komuniteti serb”, tha Sadiku.
Sipas tij, ka indikacione që në zgjedhjet që do të zhvillohen në komunat veriore, do të garojnë edhe subjektet e tjera politike.
Ndryshe, diskutimet e gjata të hënën në Bruksel ndërmjet Kosovës dhe Serbisë me ndërmjetësimin e Bashkimit Evropian nuk sollën një ujdi se si të procedohet tutje me çështjen e targave ilegale serbe.
Kosova nuk pranoi propozimin e BE-së që të mos shqiptojë gjoba për targat ilegale dhe Serbia të mos prodhojë tabela të reja KM,PR.. ndërsa pala tjetër nuk pranoi propozimin e Kosovës që të pezullojë fazat e mëtejme që kanë të bëjë me targat, në këmbim që Serbia më të mos lëshojë targa ilegale me akronime të qyteteve të Kosovës, e po ashtu BE-ja të fillojë procesin e bisedimeve për propozimin e fundit të mbështetur nga Gjermania dhe Franca.
Ndërsa, mëngjesin e hershëm të së martës, kryeministri Albin Kurti shtyu vendimin për targat për 48 orë.
Ndërkaq, të mërkurën (sot) në Bruksel mbahet takimi i kryenegociatorëve në dialog. Zëvendëskryeministri i Kosovës, Besnik Bislimi dhe Petar Petkoviq nga Serbia do të bëjnë përpjekje për të gjetur në zgjidhje për targat. /Telegrafi/
Promo
Reklamo këtuLufta Prigozhin - Putin
Më shumë“Në hava kam me t’çu se e kam vajzën deputete”, Deliu-Kodra me kritika të ashpra ndaj deputetes së LVV-së duke ia kujtuar rastin e 90-vjeçarit
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Ju kemi njohur para lufte...ju njohim edhe tash”, Haxhiu, opozitës: Milionerë nuk ishit, jeni bërë vetëm duke qenë në qeveri
Vihet gurthemeli i dy klinikave në QKUK – vlera e tyre arrin mbi 4 milionë euro
Shtëpia-muze që ruan dhimbjet e viktimave të masakrës së Poklekut
Vrasja e Liridona Ademajt - edhe dy muaj paraburgim për Naim Murselin dhe dy të tjerët, i dyshuari i katërt mbrohet në liri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit