Reagime të shumta për shpërthimin në Stamboll ku humbën jetën gjashtë persona

Reagime të shumta ka pasur për shpërthimin e së dielës në Stamboll ku humbën jetën gjashtë persona derisa 81 pësuan lëndime.

Sekretari i Përgjithshëm i NATO-s, Jens Stoltenberg i shprehu ngushëllimet e tij për personat  e prekur nga ky incident, derisa potencoi se NATO qëndron në solidaritet me aleatin e saj, Turqinë.

Shocking images from #Istanbul. My thoughts and deepest condolences to all those affected & to the Turkish people. #NATO stands in solidarity with our Ally #Türkiye.

— Jens Stoltenberg (@jensstoltenberg) November 13, 2022

“Imazhe shokuese nga Stambolli. Mendimet e mia dhe ngushëllimet më të thella për të gjithë ata që janë prekur dhe për popullin turk. NATO qëndron në solidaritet me aleatin tonë Turkiye”, ka thënë Stoltenberg.

Ngjashëm për rastin ka reaguar edhe Përfaqësuesi i Lartë i Bashkimit Evropian për Politikë të Jashtme dhe Siguri, Joseph Borrell, derisa iu uroi shërim të shpejtë të lënduarve.

“Lajme të tmerrshme nga Istiklal në Stamboll. Mendimet tona janë me popullin e Turqisë dhe me familjet e viktimave në sulmin e pasdites. Iu uroj shërim të shpejtë të lënduarve”, deklaroi Borrell.

Po ashtu lidhur me rastin në Turqi ka reaguar edhe kryeministri suedez, Ulf Kristersson, i cili tha se ishte i shokuar me lajmet për shpërthimin e sotëm në zemër të Stambollit.

Deeply shocked by the news of today’s explosion in the heart of Istanbul. Our thoughts are with the victims, and with all those who have lost their loved ones. We stand with Türkiye.

— SwedishPM (@SwedishPM) November 13, 2022

“Mendimet tona janë me viktimat, dhe me të gjithë ata që kanë humbur të dashurit e tyre. Ne qëndrojmë me Turqinë”, ka thënë ai në Twitter.

Reagim ka pasur edhe nga presidenti ukrainas Volodymyr Zelensky i cili i shprehu ngushëllime familjarëve të viktimave në këtë incident.

İstiklal Caddesi’nde meydana gelen patlamada çok sayıda can kaybı ve yaralı olduğu haberini derin üzüntüyle öğrendim. Hayatını kaybedenlerin yakınlarına taziyelerimi sunuyorum ve yaralananlara acil şifalar diliyorum. Dost Türk halkının acısı bizim acımızdır.

— Володимир Зеленський (@ZelenskyyUa) November 13, 2022

Ndryshe, zëvendës-presidenti turk Fuat Oktay njoftoi zyrtarisht se incidenti ishte një sulm me bombë. Ai gjithashtu deklaroi se tanimë konsiderohet si akt terrorist, i shpërthimit me bombë, nga një sulmues që thuhet se ishte një grua. /Telegrafi/