Në kohën kur ka shumë paqartësi dhe mos transparencë sa i përket propozimit që u është dorëzuar Kosovës dhe Serbisë nga Franca dhe Gjermania lidhur me marrëveshjen finale, më në fund për këtë propozim janë deklaruar edhe nga partia në pushtet LVV dhe partitë opozitare.
Për planin franko-gjerman i cili ende nuk është publikuar zyrtarisht, ka folur kryeministri Albin Kurti, i cili për herë të parë e ka pranuar se ekziston një propozim i tillë dhe se i njëjti ka bazë të mirë, shkruan Telegrafi.
Kurti ka thënë se ai që po quhet plani franko-gjerman ka edhe mbështetjen e Brukselit dhe Uashingtonit.
“Unë e kam vlerësuar këtë propozim si hap në drejtimin e duhur. Konceptet dhe nocionet që përdoren aty janë vlera për dallim prej dakordimeve të mëhershme që ishin përbrenda si ideologji të zgjidhjes së problemeve, ku thuhet se Kosova e ka këtë problem të veçantë në veri të Mitrovicës ose në Graqanicë dhe do t’ia bëjmë një zgjidhje të veçantë. Tash nuk jemi te ajo. Tashmë jemi të vlerat”, u shpreh Kurti të hënën në një konferencë para gazetarëve.
Kryeministri ka deklaruar se ai nuk e ka refuzuar këtë propozim, ani pse ka pasur vërejtjet e tij.
“Më 9 shtator, pa u bërë një muaj pas këtij takimi patën ardhur në zyre te unë këshilltarët e lartë të Kancelarit Scholz dhe Macron bashkë me ndërmjetësin e njohur Lajçak. Ata kanë sjellë përmbledhje të ideve, modeleve që unë nuk i kam refuzuar dhe kam thënë se janë bazë e mirë. Unë i kam vërejtjet e mia dhe ua kam thënë edhe atyre, por unë nuk e kam kundërshtuar atë propozim”, tha Kurti, duke shtuar se i njëjti është refuzuar nga Serbia dhe se ky është thelbi i situatës së krijuar ditëve të fundit në vend.
Për modelin franko-gjerman janë deklaruar edhe liderët e partive opozitare në Kosovë.
Kryetari i PDK-së, Memli Krasniqi tha se Qeveria po merret me tema shumë teknike në vend se të fokusohet në marrëveshjen finale gjithëpërfshirëse me Serbinë.
“Kemi diskutuar gjerë e gjatë edhe për dialogun dhe normalisht ka pasur diskutime edhe për propozimin të ashtuquajtur franko-gjerman, por unë e kam thënë edhe shumë herë të tjera se në vend që të vazhdojmë të fokusohemi si shtet në arritjen e një marrëveshje finale gjithëpërfshirëse me Serbinë, e cila do të sillte njohje të ndërsjellë, ne sot po merremi me tema shumë më sporadike dhe më teknike”, u shpreh Krasniqi të martën pas takimit me Kurtin, shkruan Telegrafi.
E kryetari i LDK-së, Lumir Abdixhiku nuk ka komentuar shumë për këtë propozim. Ai tha se në takim me kryeministrin folën për dialogun dhe konceptet e Kurtit për marrëveshjen finale.
“Diskutuam çështjen e dialogut. Kosova duhet të insistoj në një marrëveshje të mbështetur ndërkombëtarisht që në thelb ka njohjen reciproke dhe që ruan integritetin territorial dhe rendin kushtetues të Kosovës. Biseduam për konceptet e kryeministrit sa i përket marrëveshjes, dhe pikëpamjet tona në këtë drejtim, thelbi i takimit të sotëm ishte situata e sigurisë dhe nevoja për koordinim”, tha Abdixhiku.
Kryetari i AAK-së, Ramush Haradinaj një ditë më parë në një konferencë për media kishte theksuar se Kosova e pati mundësinë që ta merrte njohjen e Serbisë, por kjo sipas tij , nuk u bë pasi Kurti “nuk e pezulloi vendimin për targat”.
“Në tetor në Prishtinë dhe në Beograd ka ardhur marrëveshja që në qendër ka pasur njohjen reciproke. Reagimi i Serbisë ishte mospajtim me këtë marrëveshje. Në nëntor, Qeveria ka vendosur ta zbatojë vendimin për targat në veri. Aleati ynë më besnik, SHBA-ja, duke e ditur skenarin e Serbisë që ka për qëllim dështimin e dialogut, i ka kërkuar Kurtit ta pezullojë këtë vendim deri në marrëveshje, që ta mbajë presionin në Beograd e në Serbi”, tha Haradinaj.
Kancelari i Gjermanisë, Olaf Scholz, më 3 nëntor ka konfirmuar se ekziston plani franko-gjerman, që është raportuar se është një propozim për zgjidhjen e mosmarrëveshjeve midis Kosovës dhe Serbisë. /Telegrafi/
Lufta Prigozhin - Putin
Më shumëTakimi Osmani-Stoltenberg, deklarata për zbarkimin në veri dhe kundërpërgjigja e presidentes
Vrasja në Kryshec të Pejës, dëshmitarët okularë rrëfejnë se si ndodhi ngjarja në lokal pas një telefonate
Largohen kunjat në rrugën “Qamil Hoxha” në Prishtinë
Aksion simbolik para stacionit policor në Bujanoc, Lutfiu: Bashkësia ndërkombëtare ta ketë vëmendjen, shqiptarët po diskriminohen në Serbi
Rusia i kthen përgjigje Shqipërisë lidhur me sulmin kibernetik nga hakerët iranian
Vizita e presidentes në NATO, analistët: Pse nuk është ftuar Kurti, por Osmani
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Vrasja në Kryshec të Pejës, dëshmitarët okularë rrëfejnë se si ndodhi ngjarja në lokal pas një telefonate
Barazim i madh i Shqipërisë ndaj Republikës Çeke si mysafir, ëndrra për Euro 2024 vazhdon
“Ku e shihni veten pas pesë vitesh?”: Publikohen disa pamje të vitit 2018, tregojnë se sa shumë ka ndryshuar Zelensky gjatë luftës në Ukrainë
Mirlind Daku shpërthen në lot pas ndeshjes: Kjo është më shumë se një Kupë Bote
Luajti për Zvicrën dhe Kosovën, por legjenda Albert Bunjaku në përkrahje të Dardanëve nga stadiumi: Fitojmë 2-1, kualifikimi ende i mundur
Largohen kunjat në rrugën “Qamil Hoxha” në Prishtinë