Fernando Llorente: Do të shkoja falas te Real Madridi

Sulmuesi i dikurshëm i Spanjës, Fernando Llorente, ka shpjeguar pse nuk luajti kurrë te Real Madridi edhe pse do të kishte dashur.

Llorente ka luajtur për klube si Athletic Bilbao, Juventus, Sevilla, Tottenham, Napoli dhe në karrierën e tij ai gjithashtu fitoi Kupën e Botës dhe Kampionatin Evropian me Spanjën.

“Gjërat nuk shkuan ashtu siç do të kisha dashur me Athletic Bilbaon. Duke i thënë lamtumirë klubit ku u rrita… nga mosha 12 deri në 28 vjeç. E ndjej si shtëpinë time”.

“Më vjen shumë keq që nuk u ktheva dhe nuk përfundoi mirë. Gjërat erdhën në këtë mënyrë, por unë jam i kënaqur me karrierën që kam pasur”, ka thënë Llorente gjatë një interviste për El Larguero.

Lorente i cili është 37 vjeç dhe ka luajtur sezonin e kaluar për Eibar, nuk po mendon për pensionim.

“Nuk e di se çfarë do të ndodhë në të ardhmen. Unë dua të vazhdoj, edhe nëse kam tre muaj jashtë fushës”.

“Unë jam ende duke u stërvitur, duke kërkuar për diçka që më emocionon. Nëse jo, ne do të kërkoj diçka tjetër që më plotëson”, ka thënë ai.

Llorente: Pata shansin të shkoj te Real Madridi, Juventusi ishte më i shpejtë

Llorente u pyet nëse ai ishte ndonjëherë pranë bashkimit me Los Blancos.

“Jo… jo. Unë kurrë nuk kam qenë në të vërtetë. Sa herë që Real Madridi më donte, unë isha nën kontratë me Athletic Bibaon, dhe mirë… Athletic nuk donte kurrë të më linte të largohesha dhe Madridi kurrë nuk donte të paguante klauzolën time të lirimit në atë kohë”.

“Kur ishte mundësia… Juventusi ishte më i shpejtë”, ka thënë Llorente.

“Do të kisha dashur të vishja fanellën e bardhë. Tani për tani Real Madridi është skuadra më e mirë në botë dhe është e pabesueshme ajo që ata po bëjnë në Ligën e Kampionëve. Sa herë që shkojnë larg, ata janë të aftë ta fitojnë atë”.

Llorente u pyet nëse Carlo Ancelotti e thirri nesër për të qenë zëvendësues i Karim Benzemas … A do të shkonte falas?

“Sigurisht. Sigurisht”, u përgjigj sulmuesi nga Pamplona. /Telegrafi/