Për t’u arrestuar për shkak të bindjeve politike në Kosovë duhet të ktheheni mbrapa në kohë, në vitet ’90 e teposhtë. Megjithatë duket se gjërat nuk janë bash bash kështu. Danijel Vasiljeviqi është një qytetar i Kosovës që u arrestua nga Policia e Kosovës pas raportimit që i bëri Dalibor Jevtiqi i Listës Serbe.
Rasti u lajmërua në redaksinë e Nacionales nga qytetarë serbë nga Kosova. Ata pretenduan se kishim të bënim me një arrestim që kishte prapavijë politike.
Danijel Vasiljeviq është një qytetar i ri që ka filluar të angazhohet politikisht për serbët e Kosovës. Por, ka një problem: ai nuk është përkrahës i Listës Serbe.
Gazeta ka kontaktuar avokatin e Vasiljeviqit, Mentor Nezirin për ta pyetur në lidhje me arsyet pse klienti i tij kishte përfunduar prapa grilave.
“(Danijeli) i ka kry kishe dy vepra penale të ngacmimit dhe kanosjes ndaj kryetarit të Shtërpces (Dalibor Jevtiqit) dhe vajzës së tij… Po në lidhje me atë që ky dyshohet, nuk ka të bëjë as me vepra penale, as për qato që është arrestuar, për shkak se ky as s’e kërcënu kërkon, as s’e ka ngacmu kërkon, as s’e ka kanos kërkon, as në mënyrë direkte e as në mënyrë indirekte”, tha Neziri.
Edhe babai i Danijelit, Gorani, po ashtu thotë se rasti ka prapavijë politike.
“E arrestuan sepse i ka hyrë politikës, nuk mendon si ata dhe është kundërshtar i Listës Serbe”, tha Goran Vasiljeviq.
Të njëjtin pretendim e ngre edhe avokati i tij në një deklaratë dhënë gazetës Nacionale.
“Normal, që ky si përfaqësues i një partie politike atje në Shtërpce i ka fitu 7-8 për qind të votave dhe natyrisht, ata kanë probleme politike… edhe kritika që ky i ka bërë në raport me punën e tij, ai po i merr si kërcënim dhe si kanosje”, vazhdoi tutje Neziri, duke u shprehur i bindur se “nuk ka të bëjë rasti me vepra penale por me presione politike”.
Ai ka informuar se Vasiljeviqit iu kanë caktuar 48 orë mbajtje dhe se Prokurori i rastit do të vendos nëse Danijeli do të shkojë ose jo në paraburgim.
Ndërkohë, babai i Danijelit, Gorani, informoi Nacionalen se familja e tij do të hynte në grevë urie nëse të birit të tyre do t’i zgjatej paraburgimi vetëm për shkak se “kundërshton Jevtiqin”.
Dalibor Jevtiq është kryetar i komunës së Shtërpces dhe konsiderohet si një ndër figurat më kyçe të Listës Serbe. Kjo parti politike ka fituar mbi 90% të votave të komunitetit serb në Kosovë, por është kritikuar vazhdimisht se një gjë të tillë e ka bërë përmes presioneve politike ndaj kundërshtarëve të saj.
Danijel Vasiljeviq është qytetar i Republikës së Kosovës dhe përkundër që i takon komunitetit serb do të duhej të gëzonte përkujdesjen institucinale të vendit, sidomos marrë parasysh presionet e vazhdueshme politike nga Lista Serbe ndaj qytetarëve serbë të Kosovës.
Duhet të kujtojmë se gjatë ditës së djeshme në vendin tonë ishte për vizitë kryeministrja e Serbisë, Ana Brnabiq.
Promo
Reklamo këtuLufta Prigozhin - Putin
Më shumëZhduket një 28-vjeçare në Ferizaj, familja kërkon ndihmën e policisë dhe qytetarëve për gjetjen e saj
Ymeri: Mos pranimi i Kosovës në KiE është dështim i Qeverisë Kurti
Kurti publikon statistikat: Serbia po propagandon për dhunën ndaj serbëve në Kosovë
Iu bë atentat në Bruksel më 28 prill, ndërron jetë Agustin Kaza - dyshohet se u vra për gjakmarrje
DASH hedh poshtë pretendimet për Escobarin: Nuk është shkarkuar, do të emërohet në një pozitë tjetër sipas rrotacionit
Hoxha: Duke e bllokuar Kosovën në KiE, Gjermania dhe Franca anojnë kah Serbia qartazi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'