Vuçiq këshillohet me ambasadorin rus në Beograd për hapat e ardhshëm në raport me Kosovën

Një ditë pas rritjes së tensioneve në veri të Kosovës, të nxitur nga strukturat paralele të Serbisë, presidenti Aleksandar Vuçiq ka takuar ambasadorin rus Aleksandar Bocan-Kharchenko.

Në këtë takim, Vuçiq ka diskutuar për hapat e ardhshëm në raport me Kosovën.

“Presidenti Aleksandar Vuçiq ka pritur ambasadorin e Federatës së Rusisë, Aleksandar Bocan-Kharchenko me të cilën bisedoi për situatën aktuale në rajon, veçanërisht pas tensioneve të shkaktuara”, thuhet në njoftimin e partisë së Vuciqit në Twitter.

Председник Александар #Vucic @avucic примио је амбасадора Руске Федерације Боцан-Харченка са којим је разговарао о актуелној ситуацији у региону, посебно после тензија изазваних поступцима Приштине, и истакао да ће се Србија увек залагати за мир и дијалог. https://t.co/H8A3LzOBq9 pic.twitter.com/ehSKVQKtnr

— СНС СРБИЈА (@sns_srbija) August 2, 2022

Kujtojmë se Qeveria e Kosovës kishte paralajmëruar se që nga 1 gushti, do të niste zbatimi i reciprocitetit me Serbinë për targat dhe letërnjoftimet.

Mirëpo, një ditë para se ky vendim të hynte në fuqi, serbët lokalë në veri të vendit filluan kundërshtimet e tyre duke vendosur barrikada në rrugët që çojnë në dy pikë kalimet kufitare me Serbinë – Jarinje dhe Bërnjak.

Përveç barrikadave në veri pati edhe të shtëna me armë zjarri të cilat u konfirmuan edhe nga Policia e Kosovës, e disa qytetarë edhe u maltretuan në kufi.

Vendimi i 29 qershorit i ekzekutivit kosovar parasheh lëshimin e dokumentit për hyrje-dalje për të gjithë personat që posedojnë dokumente serbe. /Telegrafi/