Shërbimi Spitalor thotë se ka furnizim të qëndrueshëm me serum kundër kafshimit nga gjarpëri
Kosova është përplot me gjarpërinj, madje edhe tejet helmues. E me rritjen e temperaturave, rritet edhe rreziku i kafshimit nga ta.
Nepërka, apo gjarpri i gurit, është prej më të rrezikshmëve. Nëse e kafshon njeriun, vdekja është e paevitueshme – në qoftë se nuk i nënshtrohet mbrojtjes me serumin kundër kafshimit të gjarprit SAV (Serumi Anti Viperinum).
Një gjarpër i këtij lloji së fundmi është parë në Keqekollë të Prishtinës, ndërsa një tjetër në Podujevë.
Megjithatë, për fat të mirë, gjatë këtij viti nuk është raportuar për ndonjë rast të kafshimit nga gjarpërinjtë.
Drejtori i Klinikës Emergjente në Qendrën Klinike Universitare të Kosovës, Naser Syla, tha në një prononcim për Telegrafin se gjatë këtij viti nuk ka pasur qytetarë që kanë kërkuar trajtim mjekësor për shkak të kafshimit nga gjarpri.
Ndërsa, gjatë vitit të kaluar, 2021, tha se në këtë klinikë janë trajtuar gjithsej 51 raste.
“Këtë vit nuk kemi trajtuar asnjë rast të kafshimit nga gjarpri, ndërsa vitin e kaluar janë trajtuar gjithsej 51 pacientë”, deklaroi Syla.
Lajm i mirë është edhe që në rast në kafshimit qytetarët mund të trajtohen me serumin SAV, pasi ky produkt farmaceutik nuk mungon në QKUK e as një spitale të përgjithshme.
Kështu është bërë e ditur në një përgjigje me shkrim për Telegrafin nga Shërbimi Farmaceutik i QKUK-së.
“Serumi kundër helmimit të gjarpërit është i kontraktuar për periudhë një vjeçare në nivel të ShSKUK-së. Momentalisht, furnizimi është i qëndrueshëm në të gjitha njësitë e ShSKUK-së”, thuhet në përgjigjen e tyre.
Telegrafi ka dërguar pyetje edhe në adresë të Ministrisë së Shëndetësisë për t’i pyetur nëse edhe qendrat e mjekësisë familjare janë të furnizuara me këtë lloj të serumit.
Nga ky institucion kanë thënë se “ShSKUK ka kontratë për furnizim me serum kundër kafshimit të gjarprit për institucionet shëndetësore ku aplikohet dhënia e serumeve dhe janë kontraktuar serume sipas kërkesave dhe planifikimeve që ka bërë Instituti Kombëtar i Shëndetësisë Publike të Kosovës”.
Lidhur me problemet shëndetësore që paraqiten pas kafshimit nga gjarpri, për Telegrafin ka folur infektologu Hamdi Ramadani.
Ai ka thënë se pas kafshimit, pacienti mund të ketë ethe ose temperaturë, e në disa raste edhe ulje të tensionit dhe kokëdhimbje të madhe.
Sipas tij, fëmijët janë më të atakuarit nga kafshimet e gjarpërinjve.
“Në këtë periudhë për shkak të rritjes së temperaturave gjarpërinjtë bëhen më aktivë, kryesisht në vendbanime rurale. Zakonisht, gjarpërinjtë sulmojnë më shumë fëmijët”, ka deklaruar Ramadani.
“Kur pacienti kafshohet nga gjarpri, paraqitet ënjtje dhe dhimbje. Pacienti mund të ketë edhe ethe ose temperaturë ose në disa raste edhe ulje te tensionit dhe kokë dhimbje të madhe. Në ato raste, janë 3 ose 4 orët e para vendimtare që duhet të veprohet me serumin kundër kafshimit. Në rast të përdorimit të atij serumi, nuk ka ndodhur asnjë rast në përvojën time që pacienti të përfundojë me pasoja fatale”, ka shtuar ai. /Telegrafi/
Lufta Prigozhin - Putin
Më shumëÇështja e shpërndarjes së Kuvendit, Kusari-Lila mohon se ka pasur diskutime mes PDK-së e LVV-së
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
90 milionë euro për rrugën drejt BE-së, ambasadori gjerman: Përkushtim i fortë për integrimin evropian të Kosovës
Çitaku: Memli Krasniqi ka pasur kontakte me Vetëvendosjen për ta shpërndarë Kuvendin
Ragmi Mustafi konfirmon kandidaturën për kryetar të Bujanocit, bënë thirrje për mobilizim masiv
Rinia Demokratike aksion para Qeverisë, simbolizojnë ikjen e profesionistëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës