Klopp për transferimin e ‘bishës’ Haaland te Man City: Fatkeqësisht, një nënshkrim vërtet i mirë

Jurgen Klopp ka thënë se për fat të keq për veten dhe Liverpoolin, Manchester City ka nënshkruar një “bishë” pasi kampionët e Ligës Premier konfirmuan nënshkrimin e Erling Haaland të martën gjatë ditës.

Haaland do t’i bashkohet Cityt nga Borussia Dortmundi pasi kampionët në fuqi të Ligës Premier ranë dakord të paguajnë tarifën prej 51 milionë funtesh apo 60 milionë eurosh plus bonuse për të shkaktuar klauzolën e lirimit në kontratën e sulmuesit.

Ylli norvegjez ka shënuar 85 gola në 88 paraqitje për Dortmundin dhe, me Cityn që tani ka numrin 9 që i mungonte më parë, Klopp pranoi se skuadra e Pep Guardiolas do të ketë një ‘bishë’ në krye të sulmit.

Lexo po ashtu Zyrtare: Manchester City konfirmon transferimin e Erling Haalandit

“Lojtar i mirë”, ka thënë fillimisht Klopp për Sky Sports.

“City nuk ka qenë kurrë dhe nuk do të jetë kurrë një ekip që fiton ndeshje për shkak të një lojtari”.

“Ata kanë një mënyrë specifike për të luajtur dhe mendoj se Erling do të kuptojë krejt papritur se mund të shënojë shumë gola në shtyllën e dytë. Ai do ta pëlqejë atë”.

Lexo po ashtu Shifrat që qëndrojnë prapa transferimit të Erling Haaland te Manchester City

“Do të ketë situata të tjera ku ai është një bishë e vërtetë. Ai është lënduar disa herë në Dortmund, por ai është një bishë e vërtetë”.

“Fatkeqësisht, ky është një nënshkrim vërtet i mirë”, përfundoi gjermani. /Telegrafi/