Inteligjenca e Ukrainës publikoi emrat e 620 spiunëve të Kremlinit, i bënë të ‘papërdorshëm’ për veprim

Emra, datëlindje, numra të pasaportave dhe pozita janë disa nga të dhënat që inteligjenca ukrainase i ka publikuar për spiunët e Shërbimit rus të Sigurisë (FSB).

Sipas Agjencisë së Inteligjencës së Ukrainës, këta agjentë të FSB-së janë të përfshirë në “veprimtari kriminale” në të gjithë Evropën.

Po ashtu, lista përfshin edhe modelet e makinave dhe targat e agjentëve dhe numrat e telefonit të tyre.

Të gjithë ata në listë u regjistruan si banues në Lubyanka, selia e shërbimit në Moskë.

Lexo po ashtu Pse po dekonspirohen dhe dëbohen spiunët rusë nëpër botë?

Sipas gazetarit amerikan, Brian Karem publikimi i këtyre të dhënave po ia vështirëson punën presidentit rus Vladimir Putin.

Karem thekson se tashmë këta agjentë janë të “papërdorshëm” për veprim”.

“Aparati i inteligjencës së Vladimir Putinit vazhdon të pengohet pasi Ukraina publikoi emrat e 620 spiunëve të Kremlinit, duke i bërë ata potencialisht të papërdorshëm [për veprim]”, ka shkruar ai në Twitter.

NOW: Putin's intelligence apparatus continues to stumble from a major Kremlin breach after Ukraine publishes the names and numbers of 620 Kremlin spies, rendering them potentially unusable.

— Brian J. Karem (@BrianKarem) April 18, 2022

Kujtojmë se një numri shtetesh evropiane si Polonia, Gjermania, Franca, Italia, Spanja, Greqia, Bullgaria, Suedia e të tjera po vazhdojnë të dëbojnë diplomatët rusë.

Këta diplomatë dyshohet se janë pjesëtarë të shërbimeve të inteligjencës ruse. /Telegrafi/