Von der Leyen dhe Borrell vizitojnë Buchan, shohin me sytë e tyre krimet ruse në Ukrainë

Gjatë vizitës së sotme në Ukrainë, presidentja e Komisionit Evropian, Ursula von der Layen dhe zyrtari më i lartë diplomatik i Bashkimit Evropian, Josep Borrell vizituan varrin masiv në Bucha, të shoqëruar nga kryeministri i Ukrainës, Denis Schmihal.

“Është e paimagjinueshme që ka ndodhur këtu”, tha Von der Leyen gjatë vizitës së saj.

“Ne kemi parë fytyrën mizore të ushtrisë së Putinit”, shtoi ajo.

Hetuesit mjeko-ligjorë kanë filluar të zhvarrosin një varr masiv në qytetin ukrainas të Buchas, duke i mbështjellë me plastika të zezë të trupave të pajetë të civilëve që zyrtarët thonë se u vranë gjatë agresionit rus.

Ruslan Kravchenko nga zyra e prokurorit në Bucha tha për reuters se ata zhvarrosën 20 trupa, 18 prej të cilëve kishin plagë me armë zjarri dhe plagë me predha.

Ai tha se dy gra ishin identifikuar, njëra prej të cilave punonte në një treg në qendër të qytetit.

“Ka dëshmitarë që mund të konfirmojnë se këta persona janë vrarë nga forcat ruse. Pa asnjë arsye, ata thjesht ecën në rrugë ose u evakuuan. Disa prej tyre flisnin vetëm ukrainisht”, tha Kravchenko.

Ai tha se hetuesit mjeko-ligjorë do të punojnë për të krijuar një pamje të asaj që ndodhi me ata që u varrosën në varrin masiv.

Që kur trupat ruse u tërhoqën nga Bucha javën e kaluar, zyrtarët ukrainas thonë se qindra civilë janë gjetur të vdekur.

Nënkryetari i qytetit të Buchas tha se mbi 360 civilë janë vrarë dhe se rreth 260-280 u varrosën në një varr masiv nga banorët e tjerë.

Shifrat nuk janë verifikuar në mënyrë të pavarur. Kremlini tha të martën se akuzat se forcat ruse kishin ekzekutuar civilë në Bucha ishin “falsifikim monstruoz”. /Telegrafi/