Ambasadorja e Shteteve të Bashkuara të Amerikës në Tiranë, Yuri Kim deklaroi sot se, shqiptarët udhëhoqën botën në hapjen e vendit të tyre për sa më shumë afganë të ishte e mundur.
E pranishme në aktivitetin e nënshkrimit të Memorandumit të Mirëkuptimit mes Universitetit Bujqësor të Tiranës (UBT) dhe Michigan State University (MSU), ku ishte i pranishëm edhe Kryeministri Edi Rama, Kim u shpreh se SHBA-të dhe Shqipëria kanë punuar së bashku për t’i dhënë përparësi arsimit, i cili ka qenë edhe më i rëndësishëm në kohë pasigurie dhe krizash.
“Është kënaqësi e madhe që të jem me ju sot për të festuar 2 gjëra. Festojmë lidhjen e veçantë që lidh popujt shqiptarë, amerikanë dhe afganë si dhe rritjen dhe fuqizimin e njëri-tjetrit”, ka shtuar Kim.
“Të gjithë kemi parë të tmerruar teksa shpërtheu dhuna në gjithë Afganistanin. Si shumë të tjerë, 12 studiues afganë të projektit për kërkimin dhe risinë, dhe familjet u detyruan të largoheshin papritur nga atdheu i tyre. Shqiptarët natyrisht udhëhoqën botën në hapjen e vendit të tyre për sa më shumë afganë të ishte e mundur, duke na treguar të gjithëve ne sërish se çfarë do të thotë të jesh një popull i nderuar. Çdo të thotë të jesh dashamirës. Nuk kam për ta harruar kurrë mikpritjen dhe humanizmin që populli shqiptar tregoi në ato ditë. Këtë nuk kanë për ta harruar as njerëzit që ju ndihmuat”, theksoi Kim.
Kjo, shtoi Kim, “nuk është vetëm thjeshtë për t’i dhënë vlerësim një personi, një agjencie apo një grupi, por është një vlerësim për të gjithë popullin shqiptar. Është meritë e të gjithë popullit. Ajo që qeveria juaj bëri në emër të vendit tuaj nuk ishte diçka që u bë për shkak të llogaritjeve apo politikave, por është diçka që u bë për shkak të karakterit shqiptar. Ju e bëtë sepse kjo është ajo që jeni dhe bota ju ka parë me admirim dhe ne duhet të ndjekim shembullin tuaj”.
“Populli shqiptar edhe njëherë po vërteton, dëshmon, lidershipin e tij në nivel global teksa drejton përgjigjen globale për dënimin e pushtimit rus të Ukrainës, nga Këshilli i Sigurimit të OKB-së, ose mbështetjen e përpjekjeve brenda NATO-s, OSBE-së, marrëdhënieve dypalëshe ndaj këtyre akteve të tmerrshme”, theksoi Kim.
“Falë përpjekjeve të të gjithëve këtu sot, qeveria e SHBA, qeveria shqiptare, Universiteti Shtetëror i Michiganit dhe Universiteti Bujqësor i Tiranës, sot jemi këtu për t’u siguruar që ata që kanë ardhur nga Afganistani do të vazhdojnë studimet e tyre në SHBA, njësoj sikurse i vazhduan në Tiranë. Dhe përtej kësaj, për t’u siguruar që studiuesit në Shqipëri dhe në Amerikë do të kenë mundësi të punojnë së bashku më afër në mënyrë që të mësojnë njëri-tjetrin, por gjithashtu që të ndajnë me njëri-tjetrin pikat e tyre të forta”, u shpreh ambasadorja Kim.
“Secili që është këtu është vërtet ilustrues i partneritetit të fortë mes SHBA-së dhe Shqipërisë, dhe ne punojmë sëbashku drejt një qëllimi të përbashkët në mënyrë që të mund t’u përgjigjemi situatave të vështira”, shtoi Kim.
Duke falënderuar Universitetet dhe ekipet e USAID në Kabul dhe Tiranë, Kim theksoi se, ky program masteri i posaçëm për studiuesit afganë të zhvendosur në Shqipëri, “ilustron përkushtimin e USAID dhe Universitetit Shtetëror të Michiganit ndaj këtyre studiuesve, si dhe profesionalizmin e Universitetit Bujqësor të Tiranës dhe të qeverisë shqiptare”.
“Sot ne festojmë jo vetëm suksesin e këtyre studiuesve të përkushtuar , por edhe një partneritet të ri mes dy Universiteteve kryesore në SHBA dhe në Shqipëri. Ky partneritet midis Universitetit Shtetëror të Michiganit dhe Universitetit Bujqësor të Tiranës, do të ndërtojë ura të reja midis pedagogëve dhe studiuesve të kërkimit nga të dy vendet dhe do të hapë mundësi të reja për kërkime të përbashkëta, shkëmbim njohurish dhe shkëmbime burimesh”, tha Kim. /Telegrafi/
Promo
Reklamo këtuLufta Prigozhin - Putin
Më shumëNga Rubrika
QMK: Gjendet një i moshuar i humbur në Plaçkovicë
Regjistrimi s’pritet të ofrojë të dhëna shumë të sakta për personat me aftësi të kufizuara
Vendosja e kamerave në veri dhe shqiptimi i dy dënimeve me mbi 20 vjet burgim për vrasje dhe dhunim – lajmet që shënuan javën
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Anëtarësimi i Kosovës në KiE dhe çështja e Asociacionit - si e parasheh Tahiri procesin në Komitetin e Ministrave?
Reshjet e shiut vështirësojnë komunikacionin në magjistralen Prishtinë - Ferizaj, Policia apelon për kujdes gjatë vozitjes
“5 euro për një kafe”, arrestohet shtetasi i Maqedonisë pasi tentoi ta korruptonte policin në Vërmicë
Vdes një grua në Repartin e Gjinekologjisë në Prizren
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City